Varaleiðari til handilin í Klaksvík

Ert tú til reiðar at leiða og røkja handil, og brennir tú fyri sølu og góðari tænastu til allar norðoyingar?   Nema søkir eftir eldhugaðum varaleiðari til handilin í Klaksvík. Kom og ver ein partur av tí rúkandi menningini av kunningar- og samskiftistøknini í Føroyum.  STARVIР Tú fært ábyrgd av Nema handlinum í Klaksvík, og verður ein berandi partur av einum toymi, ið veitir ráðgeving og sølu av kt, tele- og skrivstovulutum. Tú verður við í alskyns uppgávum so sum sølu og ráðgevingum, telefon- og teldupostavgreiðslum, vøruframsýningum, marknaðarátøkum og nógvum øðrum spennandi uppgávum.   Við starvinum kemur tú at hava stóra ávirkan á handilssvirksemið í Klaksvík og Norðoyggum. Tú hevur ein týdningarmiklan leiklut í at skapa sambond millum kundarnar og Nema.   Tú sleppur sjálv/ur at leggja tín dag til rættis og hevur møguleika fyri at skapa lív og at geva vitjandi eina hugnaliga uppliving.   Arbeiðstíðin er 40 tímar um vikuna, og arbeiðsstaðurin er hjá Nema í Klaksvík.  UM TEG  Tú ert ábyrgdarfull/ur, tænastusinnað/ur, opin, forvitin og áhugað/ur í at læra  Tú ert fyrikomandi og málsøkin og kanst arbeiða sjálvstøðugt líka væl sum í toymi   Tú dugir at samskifta bæði skrivliga og munnliga, og tær dámar at skapa varandi sambond, ið eru til gagn fyri bæði kundan og Nema  Tað er ein fyrimunur, um tú hevur royndir innan handil.  VIT BJÓÐA  Eitt gott, fjølbroytt og spennandi starv í einum professionellum umhvørvi, har tú kanst menna teg bæði persónliga og yrkisliga   Møguleika at hava stóra ávirkan á okkara handilsíðnaða í Klaksvík  Tú fært uppgávur og ábyrgd í samsvar við tínar vaksandi førleikar.   Góðar starvsfólkaágóðar   Løn og setanartreytir sambært avtalu.  NEMA  Nema er ein av størstu heildarveitarum innan kunningar- og samskiftistøkni. Hjá Nema starvast á leið 75 fólk, í Havn og í Klaksvík, og virksemið er nógv vaksandi innan øll øki.  FORVITIN?  Um tú ert eldhugað/ur og áhugað/ur í handli og klár/ur at taka ímóti nýggjum avbjóðingum sum handilsfólk hjá Nema, so hoyra vit fegin frá tær!    Ynskir tú at vita meir um starvið, ert tú vælkomin at seta teg í samband við Tóka Ellefsen á Brúgv, privatkundastjóra, á tel. 502017 ella á teb@nema.fo  UMSÓKNIR  Umsóknir við avritum av viðkomandi skjølum skulu sendast inn á leinkjuni niðanfyri Søk starvið her Umsóknir skulu vera okkum í hendi í seinasta lagi týsdag 30. apríl 2024