Sjóvar kommuna ger nýggjan útstykkingarveg
Talan er í fyrstu syftu um ein fyribils veg.
Sjóvar kommuna er farin undir at gera ein veg frá samankomingini har sum vegurin út á Raktanga byrjar, og inn ímóti bygdini.
Artur Johansen, borgarstjóri, sigur við R7, at talan er um ein fyribils veg, sum verður gjørdur í sambandi við at 42 nýggj grundstykki skulu verða har á leiðini.
“Við at binda í vegin har úti, slepst undan at tunga ferðslan í sambandi við útgrevstur og annað fer ígjøgnum bygt øki,” sigur hann.
Men í fyrstu syftu er talan ikki um eina endaliga loysn, tí loyvi skulu fáast frá Landsverki til tað.
Spurdur um tíðarætlan sigur Artur Johansen, at tríggjar útstykkingar við tilsamans 53 grundstykkjum verða gjørdar á Strondum í løtuni. Tann fyrsta skal verða liðug í november, tann næsta í mars 2019 og tann seinasta í desember 2019.
Í sambandi við vegagerðina hevur kommunan skorið nógv fløg av økinum. Artur Johansen sigur, at kommunan hevur vaksið um kirkjugarðin, og ætlanin er at leggja fløgini á har.
Mest lisið í farnu viku
Samband
Heygsvegur 8
490 Strendur