Veðurlagið:

Ein hátrýstryggur, 1025 hPa, tætt við Føroyar, flytur seg spakuliga eystureftir, og tað gevur okkum støðugt veður.

Veðurvánirnar:

Lot til andøvsgul av suðri, 3 til 8 m/s. Fyrst verður sól, men út á dagin verður skýggjað. Hitin fer at liggja um 8 stig. Í nátt verður gul til frískan vind av suðri, 5 til 10 m/s. Tað verður turt og skýggjað, og hitin fer at liggja millum 5 og 8 stig.

Veðrið mikudagin:

Gul til frískan vind av suðri, 5 til 10 m/s. Tað verður turt og fyrst á degnum rættiliga skýggjað, men seinni verður nakað av sól ella sólglottar. Hitin fer at liggja millum 6 og 10 stig.

Veðrið hósdagin:

Gul til frískan vind av suðri, 5 til 10 m/s, sum fríggjanáttina snarar í vestan. Tað verður turt fyri tað mesta og skiftandi skýloft. Hitin um dagin fer at liggja millum 7 og 10 stig, um náttina millum 5 og 8 stig.

Veðrið fríggjadagin:

Lot til andøvsgul av útsynningi, 3 til 8 m/s. Tað verður turt fyri tað mesta og nakað av sól ella sólglottar. Hitin fer at liggja millum 7 og 10 stig.

Veðrið leygardagin:

Lot til gul av ættum millum útsynning og landsynning, 3 til 8 m/s. Tað verður turt og nakað av sól ella sólglottar. Hitin fer at liggja millum 6 og 12 stig.

Og veðrið sunnudagin:

Gul til frískan vind av landsynningi, 5 til 10 m/s. Tað verður turt og nakað av sól. Hitin um dagin fer at liggja millum 10 og 15 stig, um náttina millum 7 og 10 stig.