Veðurlagið:

Ein hátrýstryggur, 1025 hPa, yvir Føroyum flytur seg spakuliga eystureftir og hann gevur okkum turt og støðugt veður. Eitt brúgvalag gevur onkrastaðni nakað av regni vestanfyri Føroyar, men roknað verður ikki við, at hetta fer at merkjast á landi.

Veðurvánirnar:

Gul til frískan vind av suðri, 5 til 10 m/s. Seinnapartin minkar vindurin til lot til andøvsgul, 2 til 7 m/s. Tað verður turt og onkrastaðni klárt. Hitin fer at liggja um 8 stig.

Veðrið í morgin:

Vindurin veksur til gul til frískan vind av suðri, 5 til 10 m/s. Um kvøldið snarar ættin í útsynning og vestan og móti náttini minkar vindurin til lot til andøvsgul, 2 til 7 m/s av útsynningi. Tað verður turt fyri tað mesta og skiftandi skýloft. Hitin í morgin fer at liggja millum 10 og 13 stig, um náttina millum 5 og 8 stig.

Veðrið fríggjadagin:

Lot til andøvsgul av útsynningi, 3 til 8 m/s. Tað verður turt fyri tað mesta og nakað av sól. Hitin fer at liggja millum 8 og 10 stig. Leygarnáttina klárnar, og hitin fellur niður í 4 til 8 stig.

Veðrið leygardagin:

Lot til andøvsgul av suðri og landsynningi, 2 til 7 m/s. Tað verður turt og nakað av sól ella sólglottar. Hitin fer at liggja millum 8 og 13 stig. Sunnunáttina verður turt og klárt. Hitin fer at liggja millum 5 og 8 stig.

Veðrið sunnudagin:

Lot til andøvsgul av landsynningi, 2 til 7 m/s, onkrastaðni frískur vindur, 10 m/s. Tað verður turt og sól. Hitin fer at liggja millum 10 og 15 stig. Um náttina verður klárt fyri tað mesta og hitin fer tá at liggja um 8 stig.

Og veðrið mánadagin:

Lot til andøvsgul av suðri, 2 til 7 m/s. Tað verður turt og naka av sól. Hitin fer at liggja millum 12 og 17 stig. Onkrastaðni verður uppaftur heitari. Um náttina verður turt og klárt fyri tað mesta. Hitin fer tá at liggja millum 8 og 10 stig.