32 ár eftir at svenski forsætisráðharrin, Olof Palme, var skotin til deyðis, heldur ein svenskur journalistur seg hava funnið drápsmannin.

Journalisturin, Thomas Pettersson, hevur í 12 ár kannað drápið, og hetta kanningararbeiðið kemur til ta niðurstøðu, at tað var Stig Engstrøm, sum var eitt av høvuðsvitnunum í málinum, sum var tann seki.

Stig Engstrøm starvaðist tætt við har, sum Palme varð skotin. Hann var eitt av fyrstu vitnunum á staðnum eftir skottilburðin, og hann var eitt skifti undir illgruna fyri at hava skotið forsætisráðharran.

Men tað bleiv ein annar, Christer Pettersson,  sum varð dømdur í málinum, men seinni bleiv hann fríkendur fyri drápið. Stig Engstrøm tók seg sjálvan av døgum í 2000.

Journalisturin, sum í 12 ár hevur kannað málið, kemur um stutta tíð út við bók, sum greiðir frá kanningararbeiðinum.