Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Jupiter seljast og einki kemur í staðin

Fiskivinna, Lesarabrøv | 06/06-2018 16:10

Í allari vælferðini, eru vit komin til at bólka okkum upp, og ikki dáma hvønn annan

Sum oftast tá telefonin ringir, og tað er skiparin, fær ein skipsboð ella skal umborð at arbeiða. MEN soleiðis var tað ikki fyrramorgunin.

Boðini vóru, at russar høvdu hugt eftir Jupiter og væntandi handil stóð fyri framman. 

Ein undarlig kensla, tí hesaferð er tað onki skip, sum kemur í staðin fyri Jupiter.

Ein kollveltandi fiskivinnunýskipan, sum millum annað hevur loyst loyvini frá stálinum. Hendan samgongan, við hjálp frá Bill Justinussen, fer at senda okkum í eina ringa kreppu, við at trýsta á ja-knøttin. 
Sigast skal, at Sjálvstýri hevur eisini hjálpt væl til. Hetta eru ringvirkninganir av teirra dára gerð!

Tað er ótrúligt, at glyvramennirnir, sum eru uppvaksnir á privata arbeiðsmarknaðinum, millum sildatunnirnar á Bakkafrost, fiskakassarnir á Lynfrost og tann partin, sum Kongshavn hevur givið okkum, standa modell til at sorla føroyska búskapin sundur. Her kom eisini fyrsta motorsluppin í Føroyum og fyrsta stállínuskipið. 
Tann nýggjasti býurin í landinum er Runavík. Hetta er mest produktiva staðið í løtuni, takkað verið tí politiska viljanum í Runavíkar Kommunu seinastu 60 árini og fram til dagin í dag.

Norðoyggjar bløða eisini. Teirra umboð eru eisini á skeivari kós. Tey avtofta vinnuna og tekkjast búskaparfrøðingunum í Havn.

Suðuroynna nýtast vit kanska ikki at nevna. Har byrjaði “avmonteringin” fyri umleið 80-100 árum síðani. Tá búðu 25.000 føroyingar í landinum og av teimum búðu 5.000 í Suðuroynni. 
Fólk fluttu suður at arbeiða. Tá lógu umleið 40 sluppir á vágni og var tað størsta pengamaskinan í landinum. 
Enn eru tey umleið 5.000 í Suðuroynni, men bara eitt skip. Menningarhjálp skal veitast oynni. So har er væl arbeitt, má sigast.

Øll vinnan var í móti hesum (fiskivinnunýskipanini), og óvissan um avleiðingarnar ómetaliga stór. Tað skuldu “nervar av stál” til fyri at trumfa hetta ígjøgnum.

Avleiðingarnar av hesum skilaleysa stýrinum koma til sjóndar nú “Final Countdown”. Reiðaríini, manningarnar, kommunukassarnir, og allar tænastur í standa av hesum virksemi.

Hendan samgongan hevur, við hjálp frá almenna kringvarpinum, sett okkum øll upp ímóti hvørjum øðrum. í allari vælferðini, sum ikki er skapt av teimum, sum nú sita, eru vit komin til at bólkast upp, og ikki dáma hvønn annan.

Jonhard Danielsen

Søldafjørður


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Eivind Jacobsen
Mest lisið í farnu viku
Borgar­stjó­rin í Runavíkar býráð er ikki Tórbjørn Jacobsen á Glyvrum, hetta sigur Tobbi við R7
NOVA úr Suðuroynni (32) - 03. des 2018
R7 Premier League (28) - 03. des 2018
Brúgvin (112) - 3. des 2018
Jógvan Páll Lassen: Lat SEV selja bensin og olju
Hundraðtals milliónir fyri skeytið á Gomlurætt
Metis - Øll sendingin - 04. desember 2018
Sonni hevur Volvo "virus "
Kleptoman-landskassi
Í kjalarvørri­num, lív okkara - eitt kelduvað av vitan og lívsroyndum
"Kom á 2069!" (42) - 7. des 2018
Rák (27) Damudomi um sexismu í almanna rúminum
Glasir!
Nýtt virksemi í turkihúsi­num í Vági
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Her verða allar gátur loystar
Dýrir dreingir í Hoyvíkshaga
Tvístøða (49) - Øll sendingin
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Eiga at halda fast við tálmandi rúsdrekka­politikkin
Novembervitjan í Suðuroy - møtir og bíbliuskeið
Tíðindi klokkan 17:00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi