Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Belgiskur “deyðsdeknur” 27 ára fongsul fyri 50 manndráp

Andøvsløtan | 10/06-2018 16:15

Á øðrum sinni í fáar mánaðir er ein evropiskur sjúkrarøktarfrøðingur dømdur fyri seriumorð, upp í 50 fólk hesuferð í Belgia. Tað er 61 ára gamli Ivo Poppe, ið eisini hevur starvast sum sálarhirði og hjálparprestur hjá katólsku kirkjuni.

Hesin “deyðsdeknurin”, sum belgiskir miðlar eyknevna drápsmannin, útinti drápini frá ungum árum í 1978 til hitt seinasta í 2011.

Stutt er fráliðið, síðan týski sjúkrarøktarfrøðingurin Niels Høgel fekk lívlangt fongsul fyri at hava dripið hóp av sjúklingum og er illtonktur fyri yvir 100 morð.

Belgiski rætturin í Bruges valdi 5 lætt prógvað dráp fyri at fáa Poppe dømdan, t.m. mammu sína, fosturpápa, tveir abbabeiggjar og ein eldri sjúkling á sjúkrahúsinum, har Poppe arbeiddi í býnum Menin tætt við franska markið.

Belgiski “deyðsdeknurin” vardi seg við, at hann hevði gjørt samkensludráp, tí sjúklingarnir vóru gamlir og píndust. Fyrsta offur sítt kvaldi hann við kodda.

Dómarin sópaði undanførslu og drápsmotiv hjá verjunum av borðinum, hóast Belgia loyvir eutanasi, samkensludráp, í serligum førum og strongum eftirliti.

Ivo Poppe beindi fyri sínum offrum við at spræna luft inn í venur teirra, so hjartað brast, tá tað tóma hjartakamarið pumpaði við vanligari styrki.

Hesin katólski hjálparpresturin og sálarhirðin, ið var starvssettur til eisini at lætta sjúklingum um teirra seinastu sjúkradagar, kom undir illgruna og varð ákærdur, eftir at hann hevði fortalað seg í trúnaðarsamrøðu við sín sálarlækna og viðgingið, at hann hevði beint fyri “10-tals sjúkum fólkum.”

Tann hvítkitlaði seriumordarin sær annars meinaleysur út, skegg og brillur, giftur maður við 3 vaksnum børnum. Hann umbar seg undir avhoyring hjá løgregluni við, at hann var strongdur, tí húsið varð umvælt og konan sjúk.

Verjarnir førdu fram í rættinum, at ein drúgvur dómur er høpisleysur, tí Poppe hevur krabbamein og stendur til skurðviðgerð. “Krabbi er nóg ring sjúka, hildu teir, “men í einum fongsli er hann ein marra,” sum annar teirra málbar seg.

Dómarin var tó ikki at vika og dømdi “deyðsdeknin” til 27 ára fongsul fyri tey 5 prógvaðu morðini, men legði upp til, at hini 45-50 morð hansara fóru kanska at verða tikin upp í rættinum, um ákæravaldið helt nakra meining vera í teim.

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Fakta kekking av Ingolf S. Olsen
Magnus Heinason gjørdi bummtúr eftir toski
Vespureiðrið (100) - 18. mars 2019
EFTIRSKÚLI Á TVØROYRI Í AUGUST
Hugnaløtan (54) - Gestur: Hjalgrím Davidsen
Tí eigur onkur at steðga verandi ætlanum, áðrenn stórskaðin hendir.
"Kom á 2069!" (52) - 15. mar 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Toskurin ferðast
Hvast orðaskifti á tingi um Lands­bankan
Jógvan Skorheim vísir aftur øllum ákærunum frá Rógva Fossadal
Samkynda forkvinnan hjá skotsku konservativu júst fingið barn
Álvara Kaj Leo, meinar tú tað? Einki er meira veruleikafjart.
Normenn fingu rættuliga stóran tosk
Komið øll við (4) - Gestur: Mikkjal Hvannastein - 21. mars 2019
Stóra plastruddingin í Kyrrahavi­num er steðgað
Sendið boð eftir fráfarna stjóranum
Rák (37) Barna­rættindadagar 2019 vísa hvar barna­rættindi verða brotin í Føroyum
Hjalmar Zachariassen; Fólksins ogn
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi