Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Ein vanlukkulig fiskivinnunýskipan

Lesarabrøv, Politikkur | 13/06-2018 12:29

Fiskivinnunýskipanin er ein vanlukka fyri okkara land, tá reiðarar byrja at selja skip av landinum grundað á nýskipanina. Tað er eisini okkurt galið, tá flakavirki ikki sleppa at byggja út. Tí má nakað gerast skjótt frá politiskari síðu, fyri at rætta uppá vinnuskaðiligu avleiðingarnar, sum vísa seg frá nýggju fiskivinnulóggávuni.

Aftur og aftur hoyra vit, hvussu væl alt virkar við nýggju fiskivinnulóggávuni, og serliga samgongan við Tjóðveldi á odda roynir at verja nýggju skipanina. Hetta verður gjørt, uttan at lurta eftir tí konstruktiva kritikki, sum førdur verður fram av vinnuni o.ø., sum eru rakt av nýggju skipanini.

Samgongan og fiskimálaráðharrin skuldi heldur komi við einum útspæli um, hvat kann gerast betri ella hvørjar møguligar skaðiligar forðingar muga beinast av vegum.

Hví ikki vera opin fyri kritikki og betringum?

Tað virkar sum um, at áhugamálini hjá vinnulívinum í nýggju fiskivinnuskipanini koma í aðru røð, meðan áhugamálini hjá landskassanum koma fremst. Men eitt er vist og tað er, at gongur illa í vinnuni, so slær tað aftur á inntøkurnar hjá landskassanum og okkara vælferðarsamfelag.

Øll við sunnari fornuft síggja, at her hongur ikki saman, tá 17 mans seinastu dagarnar fara av einum Barentshavstrolara í éinum, tí ein týðandi partur av kvotuni er skryktur undan teimum, og tá eitt vanligt flakavirki ikki longur sleppur at gera íløgu í eina útbygging.

Nú má gerast ein politisk og vinnulig eftirmeting av nýggju fiskivinnuskipanini og sannleikin koma fram um hesa nýggju skipan, soleiðis at tað ikki gongur heilt galið.

Er tað veruliga ongin í samgonguni, sum dugir at síggja, at fiskivinnunýskipanin longu nú hevur nakrar skaðiligar avleiðingar við sær.

Góðu samgongulimir, lat okkum sum skjótast saman broyta lógina og forða fyri teimum skaðum, sum standast av fiskivinnunýskipanini.

 

Kaj Leo Holm Johannesen

løgtingsmaður fyri Sambandsflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Innsent tilfar
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Finskur ráðharri í politiskum ódnarveðri tí hann hevur mótmælt fosturtøku
Stefan Løfven fallin
Opið bræv til Føroya Landsstýri og Føroya Løgting
Nógvur vindur í løtuni - bilur tikin av vindi
Hugnaløtan (34) - Gestur: Jeffri Johannesen
Hava funnið Endeavour hjá James Cook
Eyðun Mørkøre - øll nýtast ikki at búgva í Havn
Menningar­kvotur kunnu misbrúk­ast uttan avleiðingar
Skuldsettur fyri dráp
R7: Fuglafjarðarsendingin beinleiðis í dag klokkan 15.00 til 17.00
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi