Nú tørnaði fyri hjá Tunesia eftir "arabiska várið"
Síðan 2011 hava fólk havt vón um, at tað kanska eydnast einum islamskum landi at prógva, at Islam ikki er líka ring sum rein sosialisma, til at bjarga einum landi burtur úr kúging og fátækt, ið eyðkennir hesar samfelagskipanir.
Men herfyri eksploderaði Tunesia í ófriði, tí vanlig fólk hava ikki ráð til grønmeti, kjøt, fisk ella elorku, men brenna kertur. 800 fólk vórðu handtikin.
Tað skrivaði franska Le Monde, og spyr, hvat politiskt frælsi so nyttar? Spell, at fólk eru so bannsett, at tey ikki skilja, at islam gevur onga vón um vælferð.
Í 2011 byrjaði sonevnda “arabiska várið” í júst Tunesia, og fólkið rak táverandi einaræðisharran Zine al-Abedine av landinum. Hann, húski og kenningar tóku alt landsins gull og statskassan við sær, tá ið tey flýddu í leigufløgførum.
Tá traðkaði Heimsbankin og IMF til og læntu Tunesia pening til eina nýggja framtíð. ES lovaði at fíggja landsins nýggju byrjan og “arabiska várið” har.
Tá skyldaði Tunesia 40% av BTÚ, men farnu 7 árini er almenna skuldin økt upp í 65%. Nú talaði IMF at og kravdi, at stjórnin hjá Amel al-Hilali gavst at stuðla matvørum úr statskassanum. Matprísirnir hækkaðu, og tað østi fólkið.
- Henda støðan minnir nógv um 1984, tá ið IMF noyddi tunesiska einasharran at leggja frá sær. Tá legði Habib Bourgiba kongin eftir at hava stýrt Tunesia, líka síðan tað fekk sjálvstýri frá Fraklandi í 1956, skrivar Le Monde.
Samgongan, ið hevur stjórnað Tunesia síðan 2011, virkar illa, tí hon fevnir um ein sekuleran flokk, Nidaa Tounes, og ein islamskan flokk, Enadha, ið royndu at basa hvør øðrum til seinasta val, áðrenn teir løgdu saman í stjórn.
Nú IMF noyddi stjórnina at hækka matprísirnar sum treyt fyri, at lánskuldin varð umfíggjað, østu somu ungu menn sum í 2011 fólk upp. Mótmælini hava ein vinstravendan brodd, og krøvini eru at smalka inntøkugjónna millum “tað gloymda baklandið” og tey vælbjargaðu, ið búgva fram við strondini.
Deutsche Welle finnist at Angelu Merkel stjórnini, tí at ES sveik lyftið um íløgur í Tunesia. Hesar íløgur minkaðu, serliga eftir at islamskir terroristar drupu 38 evropeisk ferðafólk á eina sólstrond og skaddu ferðavinnuna. Men eingin finnist at islam og islamunum, ið stýra hesum ódemokratiska landi.
Mest lisið í farnu viku
Samband
Heygsvegur 8
490 Strendur