Trump og Kim: Déjà vu... Vit hava sæð hetta fyrr
Vit hava sæð tað fyrr: Demokratiska leiðaran og totalitera einaræðisharran. Chamberlain og Hitler í Munchen 1938, Roosevelt og Stalin 1943, Obama og Khamenai í 2015. Hesir fundir vaktu vónir men endaðu illa við 2. Heimskríggi, Sovjet hersetti Eysturevropa í 45 ár og í 2015 USA givið Iran atomvald í M-Ey
Toppfundir millum Reagan og Gorbatjov gingu betur: blómandi kapitalistiskt fólkaræði vann, og kúgandi sosialisman og armóðin hjá Sovjet tapti.
Donald Trump er skjótur hvønn vegin: “lítli rakettmaðurin” ein dag, “skilafólk” dagin eftir. Tað tykist bláoygt og hálvbýtt at lurta eftir, men sær út til at virka. Í hvussu er ger Trump síni viðhaldsfólk glað og sínar óvinir dansandi svakar.
Helst fekk Trump ST og Kina at noyða Kim Jung-un til borðið í Singapore.
Men fer fundurin millum Trump og Kim at enda á sama hátt, sum tá pápin,Kim Jung-il, snýtti Bush 1 og Clinton fyri mia $$ uttan at slaka “eitt atom” afturfyri?
Devilin, “lítli” Kim drap farbróður sín við kanón á einum hernarvølli og bróður sín við at senda 2 konufólk at eitra hann í altjóða floghavnini í Kuala Lumpur.
Kim rekur heimsins nú størstu fangalegur í sosialismunar navni, “kwan-li-so” hvørs endamál er at kúga, pína og drepa 100-tús.tals fólk í øllum aldri, tí tey eru kristin ella annars ósamd við patologiska drápsmannin í Pyongyang.
Har eta fólk rottur og gras og sita í so trongum búrum, at beinini virka ikki eftir fáum vikum. Har smetta børn um foreldur og grannar. Landsins yvirstætt er øll í tænastu fyri stjórnina. Fjøldin sær Kim sum alfaðir og Trump sum púkin.
Livst, so spyrst. Trump sigur seg altíð kunna venda í vreiði, um Kim snýtir. Um Kim bert letst fyri at hertaka kapitalistiska og demokratiska Suðurkorea, og USA sleppur Seoul sum sameindum, so verður ragnarok og Trump rukka.
Mest og fyrst vil Kim sleppa undan handilsstongsli. Planbúskapur og harðræði hansara kunnu altíð halda fram, hóast Kim ger sum ayatollarnir í Iran og koyrir sín atomídnað undir heilt og sýtir atljóða eftirliti við kjarnorku landsins.
Kim hevur vunnið fyrsta leik: Trump hevur gjørt diktatorin í heimsins mest griðleysu, sosialistisku og tí fátækastu fangalegu til ein “fittan fýr.” So kunnu vit bert vóna, Trump knasar hann og NoKo, um Kim kúvendir og svíkur USA.
Mest lisið í farnu viku
Samband
Heygsvegur 8
490 Strendur