Mál útloysti jarðskjálvta
Tá meksikanska landsliðið, í fótbóltsdysti í Russlandi í gjár, legði seg á odda móti týsku heimsmeistarunum, bleiv ein lítil jarðskjálvti máldur í Mexico City.
Tað gekk ikki stillisliga fyri seg frammanfyri stórskýggjunum í Mexico City í gjár, tá landsliðið í fótbólti legði seg á odda móti týsku heimsmeistarunum.
Tá Hirving Lozano eftir stívliga 35 minutir sendi bóltin í týska málið var fagnaðurin í heimlandinum so stórur, at seismologiski stovnurin á staðnum máldi ein sokallaðan manngjørdan jarðskjálvta.
Í hvussu so er tvey mátingartól í býnum hava skrásett ein lítlan jarðskjálvta klokkan 11:32 - tað vil siga í somu løtu, sum bólturin rakti meskarnar í týska málinum.
Hildið verður, at tað var tann stóra fjøldin sum samstundis leyp av frøði, sum var orsøk til jarðskjálvtan.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur