Klaksvíkar Býráð fer í dag at viðgera Sjósavnið
Føroyagrunnurin hevur biðið um 2,5 mió. krónur í stuðli.
Føroyagrunnurin hevur nú sent formliga umbøn til Klaksvíkar Býráð um at vera við í fyrsta parti av verkætlanini um at gera eitt sjósavn í Klaksvík. Býráðið fer at viðgera máli á býráðsfundi klokkan 17:30 í dag.
Føroyagrunnurin hevur leingi arbeitt við eini ætlan um at varðveita søguna um stállínuskipini, har Helena (gamli Nónhamar), skal vera partur av savninum.
Fyrsti partur av verkætlanini verður mettur at kosta 6 mió. krónur, og Føroyagrunnurin biður Klaksvíkar Kommunu um at stuðla hesum partinum við 2,5 mió. krónum í tíðarskeiðinum 2018 til 2020.
“Um so er at tað eydnast at finna neyðugu íleggjararnar til samlaðu verkætlanina, verður farið víðari við øðrum parti. Eydnast ikki at finna íleggjarar, steðgar verkætlanin eftir at fyrsti partur er avgreiddur,” stendur í málsfrágreiðingini til býráðsfundin.
Fíggjarnevndin mælir býráðnum til at taka undir við málinum og geva treytaða tilsøgn um 2,5 mió. krónur í íløgustuðli.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur