Há-árstíð fyri kamping
Kampingøkið á Eiði er nógv vitjað, men...
2. august verður árliga grillveitslan á kampingøkinum á Mølini á Eiði, har tey grilla heilar grísar. Hendan veitslan er sera væl umtókt og fyri trimum mánaðum síðani, varð longu útselt til veitsluna. Hóast hetta, metir fyriskiparin av kampingøkinum ikki, at økið er vitjað eins nógv og undanfarna ár. Tað hevur viðrað illa fyrr í ár og tað er helst ein orsøk til at talið av vitjandi er minni. Stormur var á hvítusunnu sum gjørdi at fólk aftraðu seg.
Kappingin um tey vitjandi er hørð, tí festivalar og onnur summartiltøk eru mest sum hvørt vikuskifti. Tá verður tað minni í part til hvørt tiltak.
Meginpartin av teimum vitjandi eru føroyingar, og nógv av teimum sum eru í ár hava verið undanfarnu ár eisini. Umframt føroysku gestirnar eru to nøkur útlendsk ferðafólk. "Teir skulu síggja nógv av Føroyum, men fleiri steðga hjá okkum í nakrar dagar" sigur fyriskiparin, Martin Kúrberg.
Kampingøkið á Eiði er á gamla fótbóltsvøllinum niðri á Møl. Á kampingøkinum eru heilt góðar umstøður, har eru tveir køkar ið gestirnir kunnu nýta, stór skiftirúm við brús, hitapottur, frítt internet, og hoppiborgir v.m. til børnini. Við vatni er eisini er ein lítil sandstrond har tað er upplagt at vassa og annars fara í gummibát. Síl eru eisini í vatninum og tað ber til at fiska hjá teimum, ið hava áhuga fyri tí.
Kampingøkið er opið frá apríl til september.
Mest lisið í farnu viku
Samband
Heygsvegur 8
490 Strendur