Ruth inn av seinasta túrinum fyri summarferiuna
Vit fingu nakrar myndir av danska uppsjóvarskipinum Ruth, tá teir komu inn í Skagen av seinasta túrinum áðrenn summarfrítíðina
Uppsjóvarskipið Ruth, sum Gullak Madsen eigur, kom aftur av seinasta túrinum fyri summarferiuna, tá vit vóru í Skagen. Vit fingu nakrar myndir, tá teir komu inn í havnina í Skagen.
Teir hava fiska alla kvotuna av Nebbasild og rokna við at liggja í ein mána, áðrenn teir fara út aftur. Hendan túrin høvdu teir 2.300 tons. Tað hildu teir ikki verða nógv. Og sum myndirnar vísa, so sær ikki út til at nógv er í lastini.
Tað hevur gingið væl hjá Ruth seinastu árini. Seinastu 2 árini hava teir avreitt fyri uml. 500 milliónir. Higartil í ár hevur eisini gingið væl. 30 apríl var lagkøka umborð, tí teir høvdu runda 100 milliónir í avreiðingarvirði.
Skipini er nú so stór, at Ruth passaði ikki uppá myndina tá hon fór fram við okkum í innsiglingini í Skagen.
Ruth er 87,8 m Loa. og 80,8 m. long p.p. , 16,6 m breið og stingur 9,6 m Motorurin er 4,800KW ella 6.500HK. Ruth bleiv latin eigarunum í 2016.
Vit skuldu við Norrønu og vit vistu at løgreglan gjørdi ferðmátingar millum Skagen og Hirtshals og tí kundu vit ikki vitja umborð. Tað vóna vit verður eina aðru ferð.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur