Týskland bjargað í yvirtíðini
Í tíðini dómarin hevði lagt aftrat eyðnaðist Týsklandi við 10 monnum móti 11 at fáa mál og halda lív í vónini um at koma víðari
Í HM í fótbólti, sum er í Ruslandi í hesum døgum vóru 3 dystir leiktir í dag.
Í fyrra dystinum í bólki F vann Mexico 2-1 móti Suðurkorea. Sostatt hevur Mexico 6 stig. Tí var neyðugt hjá Týsklandi at vinna dystin móti Svøriki. Javnleikur hevði gjørt at Svøriki og Mexico kundu tikið sær av løttum í sínamillum dystinum og leikt javnt og so komu bæði londini víðari.
Týskland og Svøriki leiktu ein rættuliga spennandi dyst. Svøriki var á odda í fyrra hálvleiki og kundi havt fingið fleiri mál. Týskland kundi eisini fingið okkurt mál. Í seinna hálvleiki javnaði Týskland beinan veg. Týskland hevði bóltin meginpartin av tíðini. Men greiðir málmøguleikar vóru fáir, tó at bólturin ofta var tætt við Svenska málið. Tá 10 minuttir vóru eftir fekk ein av týsku leikarunum reytt kort. Men tað broytti einki. Týskland hevði bóltin alla tíðina.
Tó vóru fleiri minuttir av teimum 5 sum lagdir vóru avtrat leiktir tá Týskland fekk mál og legði seg fram um 2-1.
Nú er støðan tann, at vinnur Svøriki móti Mexico, so koma teir viðari. Týskland kemur viðari um teir vinna móti Suðurkorea. Leika Svøriki og Mexico javnt ella vinnur Mexico so fer Mexico víðari.
Men tað kann roknast við øllum í hesum endaspælinum. Fyri tey sum hyggja verður tað tó spennandi, tí eins og í fleiri av hinum bólkunum, so eru fleiri lið sum hava møguleika at koma víðari.
Í bólki G leiktu Belgia og Tunis. Belgia vann 5-2 og hevur 6 stig. Í morgin spæla Ongland og Panama. Vinnur Ongland eru bæði Belgia og Ongland víðari, hóast 1 umfarð er eftir.
Mest lisið í farnu viku
Samband
Heygsvegur 8
490 Strendur