Eysturríki steingir 7 moskur og útvísir 60 imamar, flestir turkar
Langt um leingi tykist skiftið frá kleiggjutari miðstjórn til harða høgrastjórn við Fólkaflokkinum og anti-islamska Frælsisflokkinum til róðurs at bera frukt.
Sebastian Kurz, eysturríkskur Kanslari og bert 31 ára gamal, helt tíðindafund uttan fyri ein mosku í Wien fríggjadagin og boðaði frá, at hon og 6 aðrar moskur í landinum verða stongdar, tí tey har agitera fyri at máa undan landsins kristnu, vesturlendsku virðum og fólkastýri.
Eisini lovaði Kurz, at stjórnin arbeiðir við at blaka 60 imamar, t.e. islamskar prestar, úr Eysturríki fyri at hava eggjað sínum trúarfeløgum til uppreistur.
Hetta og meiri av sama politikki var tað, Fólka- og Frælsisflokkurin í fjør førdu valstríð fyri, og eysturríkska fólkið valdi til at útinna. Vit vóna meir av tí sama.
“Parallel samfeløg, politiserað Islam og víðgongd fíggindalig átøk hava einki pláss í okkara landi,” segði Kurz á tíðindafundinum í Wien.
Eini 600.000 muslimar, flestu turkar, búgva í Eysturríki, við 9 mió íbúgvum. Hesi 7% av islamum í Eysturríki ljóðar ikki so nógv. Men hetta fólkaslag fyllir nógv, tí tey yvirtaka býarpartar, har politi, brand- og sjúkrabilar ikki tora inn.
Fleiri muslimsk enn katólsk børn eru í barnaskúlum innast í Wien (= Brussel).
Kurz Kanslari boðaði frá, at ein harðrend muslimsk sekt, “Arabiska Menta- og Trúarsamfelagið” verður nú bannað, tí tey hava harðrenda dagsskrá.
Teir 60 imamarnir, ið verða útvístir úr Eysturríki, eru fanatiskir salafistar, ið prædika andstøðu til fólkastýri og kristindóm. Ein av teim 4 moskunum í Wien, ið verða stongdar, hýsir eini sekt, ið kallar seg Gráu Úlvar.
Hesin felagskapur er bert fyri dreingir, ið terpa fjandanskap úr Koranini og eru ílætnir turkiskar kamuflagubúnar við turkiskum hernareyðkennum.
Turkiski forsetin, Tayipp Erdogan, brúkar sum vant gák um avgerðina hjá eysturríksku stjórnini at steingja 7 moskur og landsforvísa 60 imamum.
Turkaland fíggjar bygging og rakstur av moskunum og lønir imamunum við tí endamáli at hjálpa vinstravendum at gera kollektivt evropeiskt sjálvmorð.
Týskir miðlar skriva, at líknandi turkisk undirgraving fer fram í Týsklandi.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur