Christina Fernandez Kirchner, fv. sosialistiski forsetin í Argentina er nú stevnd og ákærd saman við 11 parta- og embætisfólkum fyri valdsmisnýtslu, saman-svørjing og roynd at forða rættarskipanini at virka í síni forsetatíð 2007-2015.

Kirchner er skuldsett fyri at hava hjálpt sínum floksfeløgum at hylja uppkláring av eini terrorbumbing av jødisku synagoguni og mentanarhúsinum í Buenos Aires í 1994, tá 85 fólk doyðu og fleiri 100 vórðu særd.

Skuldsetingin móti sosialistiska kvinnuliga fyrrv. forsetanum snýr seg um, at hon í loynd hjálpti teimum iransku terroristunum, ið stóðu fyri spreingingini, so teir sluppu av landinum og heimaftur snikkaleysir.

Aftur fyri hesa níðingsgerð eydnaðist Kirchner at fáa góðar handilsavtalur við prestastýrið í Teheran. Argentina fekk bíliga olju til keyps og seldi nakrar av sínum útflutningsvørum til Iran við prísfyrimuni.

Sum vant noktar Iran blankt at hava nakað við bumbingina av synagoguni og jødiska menganarhúsinum at gera. Prestastýrið hóttir uttanríkispolitiskt og í sínum skammiliga virksemi í ST Ísrael at beina fyri jødastatinum (nú við atomvápnum, sum Obama hevur tryggjað prestastýrinum).