Trump tekur USA úr nevndini fyri mannarættindum hjá ST
So bórust aftur góð tíðindi úr USA: Eftir drúgva umhugsan meldar Trump USA úr Mannarættindarnevndini hjá ST, UNHRC, skrivaði Bloomberg týsdagin
Forsetin hevur leingi ilskast inn á kávalætið og ómoralin hjá UNHRC, m.a. tí henda undirdeild hjá ST hevur forfylgt tí eina limalandinum, lítla Ísrael.
Tað vóru Mike Pompeo, uttanríkisráðharri og Nikki Haley, tann frálíka amerikanska sendikvinnan í ST, ið boðaðu frá avgerðini.
Eitt og hvørt rætthugsið menniskja má øtast yvir, at ST kemur sær at manna hesa nevndina við londum (pestholum, diktatur- og terrorstatum) sum: Kuba, Venezuela, Saudi Arabia, Quatar, Iran, Afghanistan, Norðurkorea, Kina, Pakistan o.o. teirra líkar.
Tey flestu av nevndu londum gjalda ikki ein dollara til UNHRC, meðan USA sum fyri alt, ST kostar, rindar størstu einstøku upphæddina, 25-30% av øllum.
Eins og tað mesta av ST, er UNHRC ein sjúk sorgarsøga.
Í fyrstu røðu síni fyri ST sum forseti segði Donald Trump í fjør m.a. “Vit takka ST-aðalskrivararnum fyri at viðurkenna, at ST má taka sær betri partar fyri, um felagskapurin skal vera ein virkin makkari og steðga hóttanum móti suvereniteti, trygd og vælferð hjá sínum limalondum.
“Oftast hevur ST ikki hugt at limalandanna úrslitum í mannarættarmálum, men heldur at áhugamálum hjá teim londum, ið bera seg ringast at. Fleiri av hesum londum vísa ein skendskan atburð móti mannarættindum heima hjá sær sjálvum og móti grannunum,” segði amerikanski forsetin í fjør.
Nú hevur Trump so gjørt álvara av at revsa ST fyri ta esjandi korruptión og ómoral, ið felagskapurin hevur gjørt seg sekan í farnu hálvu øldina.
At USA meldar seg úr UNHRC fer at kosta felagskapinum 100-tals mio $$.
Fast taki ST og serliga UNHRC.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur