Einastu fullu kuldaskáp í Venezuela nú eru líkhúsini
Okkara lurtrar vita, at Venezuela var eitt tað ríkasta og politiskt støðugasta landið í Latínamerika. So mikið meiri syndarligt, at landið er vorðið upphav til størstu flóttakreppu í heimspartinum, nú 500.000 fólk eru rýmd bert í ár.
So bersøgin er Maria Clara Ospina í miðlinum El Nuevo Herald (í Miami). Tey eru flýdd til grannalond, tí allar vørur, mest matur og heilivágur, tróta í stórum. 1000-tals % inflatión árliga hevur tikið fíggjargrundarlagið undan teimum.
Stjórnin hevur útgivið nýtt gjaldoyra, petro, ið er ankrað í oljugoymslurnar.
Dagliga sjabba 1000-tals venezuelar eftir Simon Bolivar brúnni til Columbia, og onnur 1000-tals flýggja um mark til Brazil og tøssa haðani 200 km til næsta bý, Boa Vista, har tey síggjast í parkum, undir brúm, í bussskýlum, upp at húsaveggjum við biddaraskál, ella tey søkja fyrifallandi arbeiði fyri botnløn.
Í Columbia gongst frægari, tí báðir partar tosa spanskt, men í Brazil er striltnari at samskifta. Nú gongur undan við vælvild frá staðarfólki, og eitt fótbóltsstadion, ið hýsti 100-tals venezuelum, varð brandbumbað herfyri.
Eini 5 mió venezuelar eru rýmd heimanífrá, t.e. 6. hvør íbúgvi, síðan Hugo Chavez, einaræðisharri frá 1999 til 2013, byrjaði at sosialisera og oyðileggja búskapin. Fyrst rýmdu fólk við útbúgving, men nú flýggja øll, ið kunnu.
Ágangur frá brotsliðum og harðskapur frá løgreglu, hermonnum og alment løntum gangstarum kosta 30.000 morð um árið, fleiri enn verða dripin í Sýria.
“Einastu fullu kuldaskáp eru líkhúsini,” er ein væl kend glósa, og onnur er henda: “Eg vil heldur siga børnum mínum farvæl á flogvøllinum enn í kirkjugarðinum.” Gálgaskemt, ið avdúkar ein syndarligan veruleika.
“Hesin ruðuleikin skyldast ikki lágum oljuprísum ella CIA,” skrivar Kenneth Rapoza í Forbes Mag. “Bert Sameindi Sosialistaflokkurin er orsøkin.” Nógv siga flokkin vera eitt brotsmannalið, hvørs endamál er at tjena pening við spekulatión, blackmail, gíslatøkum, drøgghandli og stýring av dómstólunum.
Venezuela er størsti upploysti statur í Suðuramerika. Ríkasti persónur er 37 ára gamla Maria (dóttir Hugo) Chavez. Hon hevur onga útbúgving og ongantíð arbeitt.
Grannalond mæla til at avbyrgja Venezuela fyri at fella sosialistisku stjórnina.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur