Havstovan við í stórum granskingararbeiði
Kanna tær smáu verurnar í havinum.
“Tær smáu verurnar í havinum, sum vit nevna plankton (æti) og bakteriur, hava ein avgerandi leiklut í at stýra veðurlagi, framleiða føði til restina av havsins íbúgvum og við at elva til sjúku og mistrivnað hjá fiskasløgum, sum vit gagnnýta." Tað sigur Havstovan, sum nú er vorðin partur av eini verkætlan, sum við stuðli úr ES kannar margfeldið av smáum verum í havinum.
Áður hevur tað verið torført at kanna hesar smáu verurnar, serliga bakteriur, tí tær eru so smáar og fjølbroyttar. Men nýggj tøkni at kanna arvaeginleikar, hevur gjørt tað møguligt at finna margfeldið av teimum túsundunum av sløgum, sum eru í okkara havi og teirra leiklut í vistskipanini.
Verkætlanin byrjaði í 2014, og Havstovan er komin við í arbeiðið í ár.
“Allastaðni skuldu sýni takast á miðdegi longsta dag (21. juni). Vónin var at fevna um so nógvar ymiskar vistskipanir, sum gjørligt, til tess at fáa eina løtumynd av havsins smáverumargfeldi og læra meiri um, hvussu hesar verur eru skipaðar og virka,” sigur Havstovan.
Tann 21. juni vórðu sýni tikin á Lívfiskastøðini í Skopun, har Havstovan regluliga kannar sjógvin, sum verður pumpaður inn á støðina.
“Føroyar eru ein týðandi partur av hesi heimsfevnandi verkætlan við fleiri enn 200 kanningarstøðum, tí at vit liggja so norðarlaga og á markinum millum Atlantshavið og Arktis,” sigur Havstovan.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur