Fólk í Suðuroy vísa í hesum døgum á eina oljudálking, sum eingin tekur ábyrgd av.

Fyri hálvum ári síðani hendi ein oljudálking við tyrlupallin í Froðba. Vanlukkan hendi tá ið EFFO bunkraði í ein tanga, sum Landsverk varðar av. Tilbúgvingin á Tvøroyri kom og gjørdu tað teir megnaðu fyri at minka um dálkingina, men nú hálvt ár er fráliðið liggur oljan enn. Hetta skrivar Reidar Simonsen á sín facebook vanga, og nógv fólk taka undir víð honum. 

Hetta hevur fingið fólk at øtast inn á líkasæluna, tá tað snýr seg um, at raðfesta føroysku náttúruna. 

Sagt verður at bæði EFFO, Landsverk, løgreglan, Tvøroyrar Kommuna og Umhvørvisstovan eru kunnað, men at eingin tekur ábyrgd.