Tað er stuttligt at síggja summi fólk brúka orði ”gratis”, og hvussu gott tað er fyri samfelagið, men tað veldst um hvørjum tað gagnar.

Tað er lætt at leggja ”sílað fakta” á borði fyri egna fyrimun. Hvussu nógv eyka hava hesi feløgini ikki koyrt í landskassan við økta virkseminum? Hvussu nógvur skattapeningur er ikki goldin inn gjøgnum sjómenninar og flakafólkið í Føroyum hetta tíðarskeiðið? Og ikki minst! Tá ið rakstrarútreiðslurnar eru drignar frá, tað hevði veri meira áhugavert á sæð. Tá hevði mann ikki vita um mann skuldi flent ella grátið.

Hetta minnir ikki sørt um láturligu herferðina hjá Unga Tjóðveldi við at smekka plakatir upp við teimum sáldaðu hagtølunum. Hetta er at villleiða fólk.

Skulu føroyingar vera kappingarførir úti í heimi, mugu vit hava eina sterka fiskivinnu og effektivan fiskiflota, og tað far mann ikki við at leggja alskyns gjøld á.

At síggja hesi feløg hava vind í seglinum er einki at fýlast á.

Propaganda miðlar

Tað eru og fara altíð at vera miðlar við sínum meiningum og teir gera sítt við at ávirka samfelagið.

Men tað er mær ótrúðliga løgið at ein torir at blanda teir uppí, tá mann sjálvur hevur teir størstu miðlarnar við liðina á sínum egna flokki.

Tey sum siga at teir ongantíð framleiða og síla mótsigandi fakta frá, er nakað humbukk og fjas.

Marius Høgnesen