Hóast Obama síni 8 forsetaár gjørdi sítt ítasta til at gera støðuna hjá USA veikari sum oljuland og royndi at styrkja støðuna hjá OPEC londunum, ið standa fyri størra partinum at heimsins oljuframleiðslu, eydnaðist tað ikki.

Síðan uml. 1970 hevur USA verið netto oljuinnflytari og mátti lúta, tá ið tey arabisku londini eftir Yom Kippur kríggið ímóti Ísrael, boykottaðu Vestanlond, sum fleiri máttu skamta olju, so at oljuprísurin 2-faldaðist.

Aftur 2-falding, tá ið Ayatollah Khomeini kom úr útlegd í París og stóð á odda fyri islamsku kollveltingini í Iran, stuðlað av Jimmy Carter forseta (idiot).

USA stovnaði Dep og Energy, stuðlaði etanolframleiðslu og reinsuverkum til at blanda olju og etanol. Tá byrjaði øðin við “reinari” og “burðardyggari” orku, ið hevur kostað billiónir eftir hondini.

OPEC hevur annars hótt og herjað heimin við sínum framleiðslutølum, so olju-prísurin hevur dandað upp og niður, sum tað passaði “oljusjeikum.”

Líka síðan Iran-kollveltingina hava amerikanskir oljumenn stríðst fyri at gera tøkni til at bora eftir olju í djúpari skifur- og sandkeldum og hava farnu 15 árini gagnnýtt hesar risa nøgdir av olju við “fracking” (Hydraulic Fracturing).

Fracking er eitt slag av “vatnspreinging.” Teir bora lodd- og vatnrætt km niðri, so at USA skjótt verður heimsins størsti oljuframleiðari og netto oljuútflytari.

Tá ið OPEC lond fyri 5-8 árum síðan uppdagaðu, at tey ikki longur kundi trýsta oljuprís og oljuinnflytandi lond eftir vild, koyrdu tey prísin á botn í 2013.

Endamálið var at ruinera allar smærri oljuframleiðarar, serliga amerikanskar “frakkarar”, so heimsins oljuframleiðsla minkaði, og OPEC ráddi aftur.

Prísfallið kom sum ein signing fyri oljukeyparar og –brúkarar, mest vinnulívið. Men smærri oljuframleiðarar og veitarar í vinnuni fóru á húsagang í 1000-tali.

Men ikki eydnaðist OPEC at taka heimin til gísla. OPEC-lond hava tømt sínar statskassar og nektað sína oljuvinnu í eini roynd at raka USA sum oljuland.

Nú klára amerikanar, serliga í North Dakota og Texas at “frakka” olju lønsamt fyri undir $50 tunnuna. So aftur her tapti Obama. Trump og Vestanlond vunnu.