Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Kommunistiski flokkurin í Columbia fekk dyggan kjaftfisk!

Andøvsløtan | 08/07-2018 21:09

Eftir 45 ár sum kommunistiskur terrorfelagskapur legði FARC kongin í 2016 og samráddi seg til frið og vápnahvíld við borgarligu stjórnina hjá Manuel Santos í Bogota. Columbia er stórt land, 1,1 mió km2 við 50 mió íbúgvum.

Ivasemið um tað var rætt, at stjórnin gjørdi avtalu við eitt brotsmannalið sum FARC, var so stórt, at kolumbianarí eini fólkaatkvøðu feldi friðarætlanina hjá stjórnini - umenn við teprum meiriluta.

Stjórnin pjøssaði síðan friðarsáttmálan og samtykti hann – til stóran fagnað úr øllum heraðshornum. M.a. gav Nobel-nevndin Santos friðarvirðislønina.

Hvat fekk so FARC afturfyri at binda frið við ta demokratiskt valdu stjórnina í Columbia? Jú, nú skuldi kommunistabrotsliðið leggja sítt virki um til at blíva ein “demokratisk rørsla” uttan vápn, sleppa inn í hitan, inn á tey bonaðu gólvini og hereftir virka sum ein vanligur politiskur og fólkaræðisligur flokkur.

Friðaravtalan, hildu fleiri, vera váðaverk hjá stjórnini og politisku skipanini í landinum. Nær hevur nakar fingið frið við eitt marxistiskt brotslið og vænta, at terroristarnir fóru at virða sáttmálan og bera seg øðrvísi at enn brotsmenn?

Hvønn skaða gjørdi marxistiska terrorrørslan, Kolumbiski Kollveltingarherurin, og hvussu fekk hon sína inntøku tann mansaldurin, hon hevur herjað landið?

Jú, hetta ytsta vinstrabrotslið hevur livað av at tvinga bøndur til at dyrka kokabløð o.a. eiturplantur. Kolumbianskt narko er tiltikið langt út í heim.

FARC hevur eisini livað av at ræna fólk í hópatali og kravt loysigjald fyri tey.

Skaðin, hesir kommunistarnir hava gjørt, er m.a. at drepa 230.000 fólk, altso lítla 1/4 mió (um 4.500 p.a.). Undrar tað, at meiriluti var ímóti friðaravtaluni?

FARC hevur sama navn, ið nú er stytting fyri Alternativ til kollveltingarvald.

So skuldi FARC standa sína roynd sum politisk rørsla. Men til tjóðartingsvalið herfyri fekk flokkurin undir 1% av atkvøðunum, ein ordiligan kjaftfisk, ið ikki hevði givið umboðan í Tjóðartinginum. Men í friðaravtaluni høvdu marxistarnir fingið tann lítlafingur frá stjórnini, at teir skuldu fáa 10 av 268 tingsessum íalt.

So frættist, hvussu FARC roynir at ræna valdið í Colombia gjøgnum tingið.

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Fakta kekking av Ingolf S. Olsen
Magnus Heinason gjørdi bummtúr eftir toski
Vespureiðrið (100) - 18. mars 2019
EFTIRSKÚLI Á TVØROYRI Í AUGUST
Hugnaløtan (54) - Gestur: Hjalgrím Davidsen
Tí eigur onkur at steðga verandi ætlanum, áðrenn stórskaðin hendir.
"Kom á 2069!" (52) - 15. mar 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Toskurin ferðast
Hvast orðaskifti á tingi um Lands­bankan
Samkynda forkvinnan hjá skotsku konservativu júst fingið barn
Jógvan Skorheim vísir aftur øllum ákærunum frá Rógva Fossadal
Álvara Kaj Leo, meinar tú tað? Einki er meira veruleikafjart.
Normenn fingu rættuliga stóran tosk
Komið øll við (4) - Gestur: Mikkjal Hvannastein - 21. mars 2019
Stóra plastruddingin í Kyrrahavi­num er steðgað
Sendið boð eftir fráfarna stjóranum
Rák (37) Barna­rættindadagar 2019 vísa hvar barna­rættindi verða brotin í Føroyum
Hjalmar Zachariassen; Fólksins ogn
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi