Studentaskúlin givin burtur, uttan viðgerð í Mentamálaráðnum
Mentamálaráðið hevði onga viðgerð av málinum, áðrenn avgerð bleiv tikin um, hvat endamál Studentaskúlin í Hoydølum skuldi brúkast til
Tað komu nógv uppskot inn, tá Mentamálaráðið søkti eftir uppskotum um hvat Studentaskúlin í Hoydølum skuldi brúkast til, tá allar næmingarnir fluttu út í Marknagil.
At finna besta uppskotið av 52 møguligum skuldi tikið tíð og nógv pappír áttu at verið tøk. Men tað sær ikki út til at nakað pappír finst. R7 fekk svar upp á fyrispurning um alment innlit. Svarið sigur, at einki skal er at lata innlit í.
Tað ljóðar heilt undarligt. Hvussu kann nakar taka dagar ímillum hvat av 52 uppskotum er best, uttan at skriva okkurt niður?
Mentamálaráðið valdi at geva ein bygning burtur, uttan viðgerð. At geva virðir fyri kanska 200 milliónir burtur átti at kravt okkurt slag av viðgerð og dokumentatiónin átti at verið tøk og almenn.
Her luktar langan veg av ókompetansu. Ivaleyst føla fleiri luktin av tí sum verri er.
R7 hevur biðið um meirinnlit. Nær tað fæst er sjálvandi trupult at meta um. Men sambært innlitislógini skal svarast innan 10 arbeiðsdagar og feria kann sambært Løgtingsins umboðsmanni ikki brúkast sum umbering fyri at fara útum freistina.
Niðanfyri sæst fyrispuringur um innlit og svar frá Mentamálaráðnum.
R7 sendi soljóðandi fyrispurning um alment innlit til Mentamálaráðið.
Hervið vil eg biðja um alment innlit í málið um studentaskúlan í hoydølum
Tað sum innlit ynskist í er um avgerðina at lata "ávís" fáa brúksrættindi til bygningarnar.
Innlit ynskist í aavgerðina í at lata ávísum brúksrættin. Bæði grundgevingar og hvørji alternativ vóru til tað, sum avgjørt bleiv.
Svarið frá Mentamálaráðnum kom næstan beinan veg og var soljóðandi:
Mentamálaráðið hevur viðgjørt innkomnu uppskotini innanhýsis, men skjøl eru ikki til taks at lata innlit í, sum snúgva seg um hesa viðgerðina. Avgerðin um at hýsa listafólkum og Tjóðsavninum verður endurgivin og grundgivin í tíðindaskrivi frá Mentamálaráðnum 3. juli 2018 (”Hoydalar sum mentanardepil”, sí leinkið her: https://www.mmr.fo/fo/kunning/ tidindi/hoydalar-verdur- mentanardepil/).
Onnur alternativ vóru øll hini uppskotini, sum Mentamálaráðið valdi ikki at brúka.
Um tú ynskir tað, sendi eg tær fegin yvirlit yvir uppskotini, ið komu inn.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur