Ein góð orsøk til, at Trump segði Iran-avtaluna upp
Ikki altíð fara stórhendingar fram, samstundis sum tíðindi um tey verða borin. Eitt gott dømi um slíkan tíðarmun er, at í vár avdúkaði amerikanska stjórnin eina risa iranska statsstuðlaða “hakkara”-atsókn móti USA.
Trump-stjórnin hevur síðan uppsagt avtaluna, ið Obama-stjórnin gjørdi fyri at hjálpa prestastýrinum í Tehran til at halda fram at menna atomvápn í loynd undir jørð og seinni at hótta Ísrael til at eftirlíka øllum krøvum og trýsti úr Iran.
USA o.a. EU-undirskrivarar av avtaluni við Iran tiðnaðu $ 150 mia (= 1 billión ella 1.000 mia kr) til Iran at keypa vápnaútgerð og stuðla islamskum terror.
Í vár handtók FBI 9 iranskar borgarar í USA, legði hald á allar teirra ognir og skuldsetti teir fyri eitt av størstu hakkaraálopum móti USA nakrantíð.
USA hevur skuldsett iransku brotsmenninar fyri at hava stolið fyri $ 3,4 mia (= 35 mia kr) í upphavsrætti og patentum frá 144 amerikanskum universitetum.
Hesi brotsverk eru útinnt árini, tá ið Obama-stjórnin samráddist við Iran.
Av ákærunum gongur fram, at fongslaðu iranararnir arbeiddu fyri Mabna Stovnin, eina privata fyritøku við støð í iranska býnum Shiraz, ið hakkar fyri Islamsku iransku Kollveltingarhirðina.
Amerikanska ákæruvaldið hevur eisini kunngjørt, at teir skuldsettu brots-menninir hava hakkað amerikanskar stjórnarskrivstovur, ST-borgina og 10-tals universitet kring heimin fyri at fáa fatur á loyniligum upplýsingum.
Prestastýrið í Iran bleiv í øðini av hesum ákærum, eisini tí at Donald Trump hevur tilnevnt heykin John Bolton sum sín høvuðs trygdarráðgeva.
Bolton hevur onkuntíð róð fram undir, at USA átti at bumba Iran.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur