Erdogan, einaræðisharri Turkalands, júst dømt miðlafólk lívlangt fongsul
Erdogan og islamski Rættvísisflokkurin vunnu aftur turkiska forseta- og tjóðar-tingsvalið við 52% av atkvøðunum. Nú setur hann sum forseti allar ráðharrar, varaforsetan, og hevur júst sett sonin sum fíggjarmálaráðharra og gevur demokratisku skipanini síðan 1924 skuld í politiska óskilinum, ið verið hevur.
Statsterrorin hjá tí smására turkiska forsetanum Erdogan heldur fram. Hann roynir at broyta tað sekulera Turkaland til ein islamskan stat við sær sjálvum sum ovasta andliga og politiska leiðara. Turkaland er einasta ikki-religiøsa fólkaræði í Miðeystri og tí við frægast framkomna búskapi. Nú rýkur alt tað.
Í hesi islamsku herferð er eydnast tí komandi turkiska kaliffinum at fáa 6 av 80 fongslaðum topp-tíðindafólkum dømd lívlangt fongsul fyri teirra lut í sonevndu “kvettroyndini” í 2016. Hini 74 eru undir somu ákæru og bíða eftir rættarsøkn.
Erdogan skuldsetir ein 84 ára gamlan turkiskan Fetullah Gylen, fv. politikara og hóvligan leiðara at standa aftan “kvettið”. Avdeyðin býr í útlegd í USA, sum hevur sýtt at útflýggja Turkalandi hann og biðið Erdogan renna og hoppa.
Onnur illteinkja Erdogan og hansara skutilsveinar fyri sjálvar at standa aftan fyri kvettroyndina við at senda nakrar løgreglu- og hermenn út á náttarvenjing.
Hesa “kvettroynd” misbrúkti leiðslan fyri “Rættvísisflokk” Erdogans til at koyra 300-túsund almenn fólk úr starvi, t.m. dómarar, herovastar, løgreglumenn, lærarar og hóp av miðal starvsfólkum, so stjórnarstuðlar fingu teirra størv.
Ístaðin fyri at royna at tekkjast vesturlendskum fjølmiðlum við at fara lagaliga fram móti teirra turkisku starvsfeløgum, hevur Erdogan loypið øði í útlendsk miðlafólk, ið annars bera í bøtuflaka við øllum muslimskum ólíkindum og á tann hátt stuðla tí samskipaðu royndini hjá Islam at yvirtaka Vesturheimin.
Erdogan ger eina dáragerð at fáa 80 turkisk topp-miðlafólk dømd lívlangt fongsul og at steingja landsins fremstu tíðindastovur, sjón- og útvarpsstøðir, tí starvsfók gera sítt frægasta til at liva upp til turkisku grundlógina frá 1924.
Men Erdogan hevur herjað turkiskan politikk í 20 ár við landsins mest óupplýstu og víðgongdu islamsku stuðlum. Hann er enn í góðum árum, og kann bert reka misnøgdar turkar til Evropa, ið ivaleyst er hansara ætlan.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur