Skorin 2 ferðir fyri heilasvøll og júst róð solo um Atlantshavið
Ein fyrrv. bretsk lærarinna, sum hevur yvirlivað 2 skurðviðgerðir fyri heilasvøll, hevur í vár róð einsamøll um Atlantshavið, knapt ár eftir seinna skurðin.
Eitt er, at kvinna fullførir henda róður um Atlantshavið, men 36 ára gamla Kiko Mathews setti nýtt kvinnumet fyri hetta roysni einsamøll á róðrarbáti.
Fyrr søgdu vit, at “føroyingar eru føddir við ár í hond.” Tað man so langt síðan vera blivið til “við snildfon í hond”, eins og øll onnur kring Vesturheimin.
Motorurin hevur avloyst ár og segl, og nú rógva føroyingar mest kapp.
Tó hava nakrir úrmælingar, Ovi Joensen og Livar Nysted, gjørt róðrarbrøgd. Meiri enn so hava føroyingar kunnað kvøðið:
“Enn eru knotur í føroyskum kongum, enn eiga vit sess á summum rongum...” ella onnur orð Jóannesar bónda: “Tað hava føroyingar hildið sóma, tá ið teir mundu úr mjørkanum hóma /ein lítlan glotta framman fyri stavn, at díkja tá á til at rógva upp havn.”
Bretska Kiko Mathews hevði ongantíð hildið eini ár fyrrenn í fjør, og kortini hevur hon megnað bragdið at seta met á tí slaka 5.000 km langa teininum frá Gran Canaria til Barbados í Karibiska havinum eftir júst 50 døgum.
Mathews róði 16 tímar um samdøgrið og svav 8 tímar, 2 tímar hvørja “frívakt”.
Hon er 7. kvinnan at klára teinin einsamøll og 6 dagar stytri enn fyrra metið.
Sjálv hevði Mathew hetta at siga um sítt avrik, tá ið hon náddi land vestanfyri: “Tankin um, at fyri 8 mánaðum síðan lá eg undir heilaskurði, og nú eri eg her eftir at hava róð einsamøll um Atlantshavið og sett met, ger meg eitt sindur erna,” vóru hennara orð.
Orðalagið hjá Mathew fær ein at hugsa um bretska hugtøkini “Chin up” og “Stiff upper lip.”
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur