Forsetin í Peru lagt frá sær fyri mutur áðrenn misálit móti honum
Andøvsløtan undrast ofta á, hví fólkastýri í Mið- og Suðurmerika ikki hevur tað so gott. Katólska kirkjan, hervald, fakfeløg, góðseigarar og stórar vinnufyri-tøkur tykjast at yvirliva allar gølur, meðan politikarar verða skiftir út sum hosur fyri svik og mutur.
Nú mátti forsetin í Peru, Petro Pablo Kuczinski leggja frá sær fyri mutur, áðrenn hann tapti eina atkvøðugreiðslu um mutur í tjóðartinginum í Lima.
Kuczinski fekk at vita, at samrøður millum hann og fleiri tjóðartingslimir vóru bandaðar, meðan forsetin royndi at keypa stuðul frá politikarum fyri pening, áðrenn misálitið kom til atkvøðu saman við uppskoti um at rættarsøkja hann.
Peruvianski (nú fyrrv.) forsetin var væl lærdur til at handfara nógvan pening. Hann arbeiddi nevniliga sum ungur í einum banka í Wall Str í New York og hevur síðan tá fingist við politikk heilt upp á ovastu rók heima í Peru.
Atkvøðugreiðslan, ið tó ikki gjørdist neyðug, snúði seg um tætta sambandið millum forsetan og eina risa brasilianska byggifyritøku, ið arbeiðir í Peru.
Á einum bandi greiðir ein embætismaður hjá Kuczinski einum tjóðartingslimi frá, hvussu hesin kann vinna pening av at samstarva við brasilsku byggifyri-tøkuna um eina byggiverkætlan í hansara valdømi í Peru.
Brasil við sínum 200 mió íbúgvum er út av lagi illa spert av korruptión, og 2 forsetar eru fongslaðir fyri lógloysi, svik, mutur o.o brotsverk í pengamálum.
Á sama hátt hevur Peru havt sínar gølur, m.a. tí at ein fyrrv. forseti, Fujimori, hevur verið fongslaður í áravís fyri mutur. Dóttir hansara, ið er vald limur í tjóðartinginum, hevur verið undir illgruna fyri at royna at keypa pápan leysan aftur fyri at stuðla Kuczinski við síni atkvøðu ímóti misáliti og rættarsókn.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur