Eisini tað bretska almenna heilsuverkið ein ómettandi pengaslúkur
Ikki bert okkara heilsuverk Føroya, men øll heilsuverk uttan um okkum, ja helst øll í Vestanlondum, stríðast við at fáa endarnar at røkka, men til fánýtis.
Einki beinleiðis samband er millum brúkarar og tað, heilsutænastur kosta, og merkir, at fólk ikki merkja á egnum kroppi ella rinda fyri heilsurøktina.
Eftirspurningurin av hesum“ókeypis” tænastum et tí altíð størri, enn tað felags skattfíggjaða útboðið av hesum tænastum.
Kanska ein løggut sammeting, men um onkur beyð øllum til sjálvtøkuborð ókeypis t.d. í eini ítróttarhøll, so var enn long kø, eftir at eingin biti var eftir.
Aftur til heilsuverk sum almenna tænastu fyri øll. Ein fyrimunur við kapitaliskt skapta og fíggjaða vælferðarsamfelagnum er, at vit gerast støðugt eldri. Tað krevur, at heilsuverkið brúkar alsamt meiri pening til eldrarøkt.
Hagtøl vísa, at vit brúka í miðal helvt av samlaða heilsukostnaðinum síðsta árið, vit liva, 1/4 næst síðsta liviárið, 1/8 trið síðsta árið av lívinum, osfrv.
Almenna bretska heilsuverkið, NHS, man vera hitt mest umtalaða heilsuverk í Evropa, tá tað snýr seg um misnøgd millum bretskar brúkarar og starvsfólk.
Ein meiningakanning ímillum bretskar læknar í NHS vísir eina dapra mynd, tí 2/3 av læknunum halda, at sjúklingatrygdin er lækkað farna árið.
80% av læknunum siga, at teir stúra fyri trygdini komandi árið. 90% gremja seg um starvsfólkatrot, og 84% av læknunum siga, at heilsustarvsfólkini eru niðurundirkomin sinniliga av ov tungari arbeiðsbyrði.
Bretska stjórnin hevur í nøkur ár roynt at temja almennu nýtsluna, at minka hallið á fíggjarlógini og at berja niður almennu statsskuldina. Sum ein kundi vænta, hevur sjórnin mist undirtøku og hevur slakað fyri veljaratrýstinum.
Tí samdist stjórnin herfyri við heilsufakfeløg um at geva 1,3 miljón limum teirra 6,5% lønarhækking yvir næstu 3 árini uttan at skerja teirra frítið.
Lønarsáttmálin fer at kosta bretska statskassanum, t.e. skattgjaldarunum, 35 mia kr og dugnar flestu starvsfólkum í almenna heilsuverkinum, tó ikki læknar, ið við verkfalli fingu stórar lønarbatar í fjør, ei heldur tannlæknar og leiðarar.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur