Feskastu hagtøl vísa at búskapurin í USA "krimar"
Arbeiðsloysið millum latínamerikanarar í USA hevur ikki verið lægri enn nú. Vinstrahallu miðlarnir (85%) hava tagt hesi góðu tíðindi burtur. Teir viðganga tó, at aldri fyrr hevur arbeiðsloysið verið so lágt millum kvinnur og svørt.
Júst kunngjørd hagtøl hjá almenna Labour Dep fyri juni vísa m.a, at:
213.000 nýggj arbeiðspláss komin (og mai og juni eru 37.000 hægri enn mett. Nú eru íalt 3 mió nýggj arbeiðspláss komin við Trumpi í Hvítu Húsunum.
601.000 fólk komin aftrat út á arbeiðsmarknaðin, ið góvu upp undir Obama. Lønirnar hækka skjótt, so fólk streymar aftur út at arbeiða, mest í framleiðslu.
Talið av rørslu- og menningartarnaðum veksur skjótt á arbeiðsmarknaðinum.
Handilshallið í juni er minni enn í 10 ár (meðan Obama-sosialisma herjaði).
Fólk gjalda minni fyri el, gass og vatn, tí veitarar spara $3 mia í skattalætta.
Amerikanskar fyritøkur hava flutt $ 300 mia heim bert 1. ársfjórðing í 2018.
Amerikanski búskapurin fer at vaksa 4,1% í ár (rekord síðan undir Reagan).
Democrats (tey vinstrahallu) eru sansaleys, tí at Trumpur hevur skotið upp ein kønservativan dómara aftrat í hægstarætt, tá Anthony Kennedy legði frá sær.
Demokratarnir skjóta upp at avtaka tilflytara- og marknarverjuna, ICE, men fáa bert stuðul frá 25% av veljarunum - ímóti 55%, ið vilja varðveita ICE.
Meiriluti av latínamerikanarum og svørtum í USA krevja sterkari marknaverju.
84% av veljarum krevja, at tilfluttur brotsmenn skulu takast og sendast heim.
50% av spurdum vilja heldur hava tilflyting eftir førleika enn eftir armóð.
Millum latínamerikanar hækkaði undirtøkan fyri Trumpi 10% bert í juni.
Reuters skrivar nú, at yvir 100.000 limir hava meldað seg úr demokratiska flokkinum síðan mai, og at ungir veljarar býta seg 39-39% millum flokkarnar.
Um tey vinstrahallu halda fram at garta, serliga nú tey berjast ímóti konserv-ativa hægstarættardómaranum, vænta eygleiðarar og meiningakannarar, at Trump og Republikanar vinna kongressvalið í heyst og forsetavalið í 2020.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur