Ísraelsk flogfør bumba í Gaza
Ísrael sigur, at álopið er aftursvar uppá at Hamas hevur sent 90 rakettir úr Gaza inn í Ísrael.
Ísraelsk bumbuflogfør hava í dag lopið á fleiri ymisk mál í Gaza. Høvuðsmálið var ein støð hjá Hamas, sum verður brúkt til venjingar. Onkrir tunnlar eru eisini undir bygninginum. Hesir eru partur av umfatandi tunnilsskipan undir jørð.
Palistinar upplýsa at 2 fólk eru deyð og 12 hava fingið skaða.
Benjamin Netanyahu upplýsir, at teir gera álop á mál í Gaza. Og hann sigur at álopini halda áfram til Hamas skilur álvaran. Um Hamas ikki skilur tað í dag, so skilja teir tað í morgin sigur Benjamin Netanyahu.
BBC veit at siga at eygnavitni søgdu at bygningurin var tómur og tey skaddu vóru fólk sum gingu fram við. Ísrael boðar vanliga frá, í góðari tíð, áðrenn teir bumba bygningar, fyri at so fá sum gjørligt skulu fáa skaða.
Tað hevur verið ófriðaligt í eina tíð. Íbúgvarnir í Gaza mótmæla at Ísrael og Egyptaland blokera Gaza. Ísrael og Egyptaland siga, at tað er neyðugt av trygdarorsøkum.
Tað sær út til at álop halda áfram. Talið av sendum rakettum og álopsmálum økist á ymiskum tíðindarásum.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur