Toskafiskiskapurin munandi betri enn í fjør
Nógv meira er avreitt av toski í ár enn í fjør. Framgongdin er 1.644 tons. Smærru trolbátarnir eiga 1.200 tons av framgongdini. Teir avreiddu 43% av samlaðu toskaveiðuni fyrra hálvár.
Vit hava hugt eftir tølum fyri avreiðingar av Toski fyrstu 6 mánarnar í ár og í fjør. Tað er væl meira avreitt, men tað er stórur munur millum ymisku skipabólkarnar.
Tað er munandi meira avreitt í ár enn seinasta ár. Vøksturin er 53%. Men tað er sera stórur munur millum skipabólkarnar. Útróðrabátar og línuskip hava afturgongd. Hjá línuskipum er afturgongdin 38% og hjá útróðrabátum um 5%.
Smábátar hava eina trivaliga framgongd á góð 30%. Trolarar hava framgongd á 65%.
Tann stóra framgongdin bæði í tonsum og í prosentum er hjá smærru trolbátunum. Teir hava avreitt 138% meira enn seinasta ár.
Í tonsum er veiðan vaksin úr 3.080 tonsum í 2017 upp í 4.724 tons í ár. Framgongdin er 1.644 tons sum svarar til 53%
Smærru trolbátarnir eiga 1.200 tons av framgongdini. Teir hava í ár fiska 43,7% av øllum toski, sum er komin uppá land.
Tað verður ivaleyst trupult í heyst, tá kvotaskipan kemur í gildi og onkur fær kvotur og onnur fáa dagar. Tað sum liggur í kortinum samsvarar als ikki við fiskiskapin, sum ymisku skipabólkarnir hava nú.
Verður onki broytt, so kunnu fleiri rokna við at liggja, tá árið er hálvrunnið.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur