Starvsfólk og KVF stýrið á G! festival
Trivnaðurin í KVF sær út til at verða í lagið. Men álitisvekjandi er tað ikki.
Ein mynd vit funnu á heimasíðuni hjá G! festivalinum vísur, at Kringvarpsstýrið og starvsfólkini í KVF trívast væl saman.
Ein mynd sigur meira enn 1000 orð. Men tað kann sjálvandi eisini gera tað, at fólk gera niðurstøður, sum ikki eru rættar.
Tað er einki at ivast í, at sum støðan er í løtuni í Kringvarpinum, so er myndin ikki heppin. Myndin fær fólk at hugsa. Og tá støðan er fløkt og trupult er at skilja hvat vendir upp og hvat vendir niður, so gevur myndin fólki orsøk til at meta um og sanniliga eisini at gita.
Stórar ósemjur eru ella í hvussu so er hava verið í Kringvarpinum. Fyrrverðandi stjórin var meira ella minni koyrdur til hús. Tað kann verða at hann sjálvur segði upp. Men tað almenningurin fekk at vita var, at Katrin Petersen, sum nú er næstformaður í Kringvarpsstýrinum kravdi fund, sum so endaði við einari uppsøgn.
At Katrin Petersen so stutt aftaná sæst hugna sær saman við øðrum av tveimum høvuðspersónum í einum stríði, sum enn ikki er avgreitt, er alt annað enn hóskandi.
Katrin Petersen skal um stutta tíð seta ein stjóra, sum skal avgerða framtíðina hjá Liljuni Weihe.
Gongdin í málinum higartil ger, at flest øll hava eina meining um alt, sum hevur nakað sum helst at gera við KVF.
Tað skulu takast stórar avgerðir í KVF í nærmastu framtíð. Gegni er sjálvandi er ein partur. Hendan myndin kann lættliga verða orsøk til at fólk fara at ivast. Tað kann lættliga henda, at fólk seta spurnartekin við fyrr nevndu fundarinnkalling.
Hetta kann verða við til at tá ein avgerð einaferð er tikin, so verður hugt aftureftir í staðin fyri frameftir. Tað hevði tí verið betri fyri eftirtíðina at hetta ongantíð var hent.
Um persónarnir á myndini ikki skilja, at tað ikki er hóskandi, at tey hittast í hesum sambandi, so eru tey avgjørt ikki egna at røkja tey størv tey hava. Men tað eru tey sum halda at alt ber til. Og tað ber til tí at tey sum kunnu gera nakað, velja at lata standa til.
Edmund Burke segði: "All that is necessary for the triumph of evil is that good men do nothing."
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur