Landskassin missur 350 milliónir
Landskassin verður stóri taparin, nú útflutningurin minkar helst umleið eina milliard í ár í mun til í fjør. Helvtin av minkingini verður í pelagisku vinnuni. Og tað rakar landskassan sera meint. Tað reiðarin missur, skal hann gjalda minni i tilfeingisrentu og veiðugjaldi
Útflutningurin av pelagiskum fiski minkar 500 milliónir í ár. Stóri taparin verður landskassin. Sitandi samgonga hevur ásett, at øll tilfeingisrentan skal í landskassan. Tað verður gjørt soleiðis at avgjørt er, at reiðarin skal hava eitt avlop, sum løgtingi bestemmar. Restina av avlopinum skal reiðarin gjalda sum veiðugjald ella tilfeingisgjald.
Úrslitið av hesum er, at nú nøgdir og fiskaprísir ganga skeivan veg, so er tað landskassin, sum tekur alt tapið.
Og vit kunnu skjótt rokna hetta tal. Hýra er 30% og variablar útreiðslur av at fiska eru 10%. Tí er reiðarans partur 60% av veiðuvirðinum. Hetta hevði vanliga verið avlop hjá reiðaranum. Men nú hevur Føroya Løgting avgjørt at hesi 60% skulu í landskassan.
Tá prísur lækkar og nøgdirnar minka, so verða hesar 500 milliónirnar deildar soleiðis.
Lægri hýra til manning 150.000.000
Minni oljunýtsla og slit á skip/reiðskap 50.000.000
Lægri tilfeingisgjald 300.000.000
Hetta átti búskaparfrøðingurin í Búskaparráðnum at víst á í KVF. Teir siga jú at tilfeingisrentan er munandi størri og tí átti hann at nevnt hetta, sjálvt um onnur kanska ivast í um tilfeingisrentan er so stór http://kvf.fo/netvarp/sv/2018/07/17/20180717djonihojgaard
Harumframt lækkar landsskattur uml. 45 milliónir og kommunuskatturin uml 30 milliónir.
40.000 tons minni á pelagisku virkjunum viðførur 10-20 milliónir lægri lønargjaldingar.
Harumframt kemur multiplikatoreffektin av hesum.
Landskassin gerst sostatt stóri taparin.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur