Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Hví læra reyðu flokkarnir ongantíð at halda fingrarnar frá fiskivinnuni og detailstýra henni? 

Innanlands, Lesarabrøv, Politikkur | 26/07-2018 13:49

Søgan endurtekur seg, soleiðis byrjar Edmund Joensen sítt lesarabræv í dag. Henn heldur fram, "hví læra reyðu flokkarnir ongantíð at halda fingrarnar frá fiskivinnuni og detailstýra henni"?

 Einaferð var politikkurin, flakavirkir á hvørjum tanga. Síðani vóru politisk aliloyvi givin sum húsmannsbrúk, inntil heila molivittið for á húsagang, sum seinni tók við sær bankar og samfelag meira og minni, og nú er tað – Gud hjálpi okkum – byrjað aftur við politiskum økis- ella sokallaðum menningarkvotum.

Reyðir flokkar

Tað sær út til, at reyðir politiskir flokkar læra tað ongantið. Ikki at blanda seg upp í sjálva vinnuna og fríu kappingina um at vinna pengar inn til landið.

Tað gongur galið hvørja ferð, og tað skal ongin billa mær inn, at tað verður ørvisið hesuferð.

Kappast dag og nátt

Tann rætta vinnan kappast ikki bara innanlands. Hon kappast við alla vinnu í heiminum, dag og nátt, heilagt og gerandis. Her hevur tann almenna sentralstýringin ikki ein tjans í kappingini. Tað almenna liggur ikki vakið um náttina, og um hvussu næsti dagur skal eydnast og yvirlivast, sum fólkið í vinnuni ger og má fyri at yvirlivað.
 
Tann ónda ringrásin

Líka mikið hvussu ein vendir og snarar sokallaðu økis- og menningarkvotunum, og hvussu nógvar nevndir verða settar, so eru hetta politiskar útlutingar, sum fara fram. 
Tann ónda ringrásin, sum vit loksins komu burtur úr aftan á svára húsagangin fyrst í nítiárunum, ferð nú í gongd aftur. Tá ið fyrst gongd er sett á politiska útlutan, so steðgast ikki aftur. Øll vilja sjálvandi hava sama rætt til politiska útluting, tað sigur seg sjálvt.

Søgan hevur tað við at endurtaka seg, og tað fer hon tíverri eisini at gera hesuferð. Taparin verður aftur tann sami sum seinast, Føroya fólk.
 
Tann politiska uppgávan

Politiska uppgávan er ikki í einkulheitum at siga, hvør skal hava kvotur ella ikki. Uppgávan hjá politiska mynduleikanum er at gera skipanir og skapa karmarnar og syrgja fyri at hava stabilitet og reglur fyri, hvussu vinnan sjálv kann húsast. Eisini at syrgja fyri, at úrtøkan kemur øllum landsins íbúgvum til góðar. 

Tað er tann veruliga politiska uppgávan.

Sonevndur liberalur flokkur

Tað almenna skal halda sínar fingrar burtur frá at detailstýra vinnilívinum. Tað gongur heilt vist galið, og sporini ræða.
Tað sær tíverri út til, at teir reyðu flokkarnir læra tað ongantíð. Ein sokallaður liberalur flokkur heldur hondina bæði yvir og undir teimum reyðu. Hann kann ikki hava tað gott, sum tikið verður til.

Edmund Joensen
Løgtingsmaður fyri Sambandsflokkin 

(  innsent til R7 ) 

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Uppskotið sum flent varð eftir hevði komið væl við nú
Rák (29) 5G tøkni og undirskriftinn­savning móti, at føroyingar verða millum fyrstu í heiminum at fáa 5G
Byggigølan á Glasi - tey eru skelka!
Hugnaløtan (47) - Gestur: Jógvan Arge
Video: Kópur etur fisk áðrenn hann fer aftur í trolið
Prát við Arna Zachariassen um burðartal
Prát við Anfinn Olsen
Ferðslutrygd 43 ár í dag
Kópur oyðir toskastovnin í New Foundlandi
Samrøða við Jacob Vestergaard um Glasir
R7 Premier League (33) - 21. jan 2019
Republikanskt CO2 sirkus á Vaglinum í Havn
"Kom á 2069!" (45) - 18. jan 2019
Barbara Holm gevst sum blaðstjóri á Sosialinum
Prát við Virgar Dalsgaard um leiklutin hjá Emil Joensen í samband við "Merkið"
Javnaðar­flokku­rin avdúkar nýtt valevni
Ronaldo játtar seg sekan
Sølu- og marknaðarleiða­rin í Miðlahúsi­num er farin í annað starv
Tíðindi klokkan 12
Desember størsta vøkstur í arbeiðsplássum í USA nakrantíð
Bárður, Jacob, Bill og Kristin vilja ikki á fund við Kristinu Háfoss
Valskráin hjá KvF
Metis - Øll sendingin - 22. januar 2018
Sri Lanka - í botnleysari skuld til Kina - setir deyðarevsing í verk
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi