Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Høgra veit ikki, hvat vinstra ger

Lesarabrøv, Politikkur | 27/07-2018 19:18

- Sjálvstýrið ávaraði júst móti teimum avleiðingum vit í dag eru vitni til. Tí slitu vit eisini samgongusamráðingarnar. Varskóini trutu heldur ikki, tá fiskivinnunýskipanin var til viðgerðar í tinginum, men samgongan vildi ikki lurta, og nú síggja vit avleiðingarnar, nú gólvteppið er skrætt undan fyrstu 20 familjunum.

Løgmaður og fiskimálaráðharrin eiga ikki at skúgva sær undan við burturforkláringum.Fiskimálaráharrin, saman við umboðunum í Tjóðveldi, royndi av øllum alvi at sannføra Løgtingið um, at fiskivinnuuppskotið onga avleiðing fór at fáa fyri verandi aktørar. Eingin skuldi missa arbeiðið, einki virksemi skuldi niðurlagast, alt skuldi bert gerast betri og ríkari.

Men nú er kavabólturin farin á rull.

Viljin til at lurta eftir teimum mongu óteljandi viðmerkingunum, ið komu til fiskivinnunýskipanina, hevur ongantíð verið til staðar. Longu í valstríðnum vóru ætlaninar greiðar, og tá ið landsstýrismaðurin setti nevnd at gera uppskot til nýggja fiskvinnuskipan, var tað bert eitt spæl fyri gallarínum. Niðurstøðan hjá nevndini var læst frammaundan, og serfrøðin slapp ikki so frægt sum at gera sítt egna tilmæli. Landsstýrismaðurin hevði gjørt niðurstøðuna frammanundan.

Eftir teimum viðmerkingunum, ið komnar eru seinastu dagarnar, kann eg bert staðfesta, at Landsstýrismaðurin í fiskivinnumálum ikki skilur avleiðingarnar av tí, sum hann sjálvur hevur gjørt. Tí tá ið tú tekur stóran part av grundarlagnum undan fiskivinnuni, so tekur tú eisini grundarlagið undan fiskimanninum og teirra familjum.

Nú eru tað fleiri og fleiri reiðarí, ið hava sett hol á tær tillagingar og niðurlagingar, ið eru neyðugar, nú nýggja lógin er samtykt. Tað er einki undarligt í tí, tí varskóini trutu ikki, tá ið allir partar av fiskvinnuni vóru til hoyringar.

Sjálvstýrið gjørdi longu greitt í samgongusamráðingunum, at fiskvinnunýskipanin, sum samgongan hevði ætlanir um, fór at fáa stórar avleiðingar fyri alt tað føroyska samfelagið, sum er so tætt knýtt at fiskivinnuni. Longu tá skiltu vit, at okkara atfinningar og varskó fullu fyri deyvum oyrum, og nú er kavabólturin farin á rull. Reiðaríini tillaga sítt virksemi, skipini standa á sølulistum og fiskimenn eru uppsagdir. At samgongan framvegis tvíheldur um, at fiskivinnunýskipanin betrar um føroysku fiskivinnuna, má sanniliga vekja undran og ørkymlan hjá øllum – ikki bara teimum nú uppsøgdu fiskimonnunum og teirra familjum, men eisini teimum, sum ikki skiltu ella væntaðu hesar avleiðingarnar frammanundan.

Jógvan Skorheim
Formaður í Sjálvstýri


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Lands­stýris­maðu­rin segði ósætt á tíðindafundinum
Hans Joensen: Eg eri ein skuffaður maður
Seldu kvotu og fingu hana aftur
Jóhan Edvard náddi ikki heim til jarðarferð­ina, men sang í kirkjuni í Ikerassak
Eru Menningar­kvotur­nar politiskt útlutaðar?
Vespureiðrið (84) - 13. aug 2018
SU generatiónin í Løgtingi­num skilir ikki, at feløgini hava verið í kreppu
Umboðini hjá Sambands­flokki­num ynsktu ikki menningar­kvotur
NOVA úr Suðuroynni - Sending 16
Polittisk útlutan?
Tað er ikki Tórbjørn Jacobsen, sum er boðin umborð, tað er borgar­stjó­rin í Runavíkar kommunu
Brátíðindi: Politiið í Føroyum hevur tikið málið upp aftur, viðvíkj­andi illgrunasomum deyða
Flótidokkin í Hirtshals er koppa
Tjóðveldiskabalin
Uppsjóvar­kvotur­nar eru nógv størri enn ICES tilmælir
Hjaltur og Aleqa hittust í Uummannaq
Metis - Øll sendingin - 14. august 2018
Nýggjur háskúli á Sandi
Hoyr stjóran á Vestmanna Fiskavirki, hvussu menningarkvotan skal brúkast
Norðoya Fólkafloks­felag : Landið bløðir og kemur at bløða um vend ikki kemur í nú
Eg haldi veruliga ikki, at Høgni hevur blandað seg uppí viðgerð­ina av menningarkvotum, nú skotrøðir­nar duna.
Dronu upptøka av cruise skipinum "Zuiderdam", sum vitjaði í Runavík, leygar­dagin 11. august.
Hilbert Elisson: Fiskivinna og kvotur
Framvegis ongar menningar­kvotur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi