Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Hvussu fíggja vit samferðslu?

Lesarabrøv, Politikkur | 01/08-2018 10:55

At val er í hondum kennist á øllum brøgdum, nú landsstýrið er farið at egna við ókeypis ferðing fyri tey sum eru so fitt at seta bilin eftir á keiini.

Samferðsla kostar. 

Samferðslan í Føroyum kostar meiri enn vit geva henni úr landskassanum í dag.

Spurningurin er so hvør skal gjalda fyri at fólkið í samfelagnum skal hava møguleikan at flyta seg.

Vegakervið á landi, víðlíkahald, asfalt, nýggjar tunlar o.a, betala allir føroyingar gjøgnum skattin.

Flúgving og sigling oyggjanna millum, og ferðing ígjøgnum undirsjóvartunlarnar betala allir føroyingar gjøgnum skattin ein part av, og restin verður fíggjað við brúkaragjaldi.

Ár um ár hoyra vit harmaljóð frá stjóranum á Landsverk um at okkara kosnu ikki vilja játta nokk av pengum, so at meiri verður at halda vegakervið viðlíka fyri.

Ár um ár hoyra vit harmaljóð frá stjóranum á SSL um at okkara kosnu ikki vilja játta nokk av pengum, so at avloysaraskip kann finnast til svikaligu, niðurslitnu, tussagomlu ferjurnar her á landi.

Fyri ikki at tala um endaleysa harmaljóðið frá útoyggjabúgvum, sum hava trupulleikarnar av sjúku skipanini vit hava í dag.

Og so halta vit bara víðari.

Í staðin fyri at skurðviðgera sjúklingin fyri at fáa hann frískan, medisinera vit hann so at hann haltar víðari eina tíð, í vónini at okkurt okkum nú ókent, kemur at bjarga honum seinni. Alt meðan fólkatalið á hesum støðum er fyri hóttafalli.

Hvat er so til ráða at taka?

Um partafelagið sum í dag gerð tunnil undir Tangafirði og Skopunarfirði skuldi fingið allar sínar 2,4 mia kr av løgtingsfíggjarlógini so var hendan verkætlanin ikki komin í eyga enn, og tað sama verður galdandi fyri ein komandi Suðuroyartunnil. Einasti møguleiki at fremja eina so stóra verkætlan er við at hava okkurt at seta í veð sum kann geva eina lagaliga fígging, og tá er ferðslan eftir vegunum í Føroyum eitt framúr veð. 

Hendan veruleika kenna tey flestu til sum hava virkað í politisku skipanini, og sum vilja hesa verkætlan.

Samferðsla er ein av súlunum, sum gerð at vit kunnu kalla okkum eitt samlað land. Sama samferðsla er eisini ein av súlunum undir øllum øðrum tænastum í landinum, tí gjøldini ið fella í landskassan frá samferðslu, MVG av bilum, oljuavgjald, vektgjald, skrásetingargjald o.m.a, er størri enn landskassin brúkar uppá samferðslu í okkara landi.

Vit eiga tí sum skjótast at fáa lagt alla samferðslu í landi okkara út um løgtingsfíggjarlógina, í eitt felag eftir sama leisti sum vit kenna frá undirsjóvartunlunum. 

Felagið skal fíggjast av parti av inntøkunum sum longu fella í landskassan í dag frá samferðslu, og partvís frá brúkaragjøldum. 

Felagið skal hava allan rakstur og alla nýgerð av vegum, skipum og tunlum undir sær. Politiska skipaninin skal við síni ávirkan avgera hvat skal gerast fyrst og síðst, og felagið skal hava heimild at taka tað inn í brúkaragjaldi sum hetta kostar. 

Verður hetta leisturin sum valdur verður framyvir, er koyrandi til Suðuroyar og nýggjar hóskandi ferjur røkja siglingina til útoyggjar okkara innan 10 ár eru liðin.

Brandur Sandoy, Fólkaflokkurin

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Álvarsom lúgvisjúka stórtrívst millum ávísar journalistar í Føroyum
Norð­oyggjar missa nógv orsaka av fiski­vinnu­nýskipanini
Kristin Michelsen: Hetta er brot á lógirnar hjá Javnaðar­flokkinum
Ætlar Bjørn at forkoma Sjálvstýris­flokki­num?
Kristin Michelsen stillar uppaftur
Alt hevur sína tíð her á fold
Jenis ætlar sær í lands­stýrið
R7 og KvF samsenda
Kanning av kynsligari misnýslu av børnum í Føroyum
Fuglafjarðarsendingin (7) - 18. okt. 2018
Hugnaløtan (38) - Gestur: Karina Højgaard
Ljóðbrot: Tá dunnan endaði undir sofuni
Óreglusemi á fundarborði í fiski­mála­ráðnum
Líggjas Johannesen: Hvar eru pengarnir brúktir?
Hava lýst eftir stjóra fyri slakar 50.000 krónur
Sverri Hansen sagt seg úr búskaparráðnum
Metis - Øll sendingin - 16. oktober 2018
At lata Almanna­verki­num fleiri íbúðir loysir sjálvandi nakað
Myndarøð: Café"in á Mølini í Skálavík
Myndarøð úr Føroyingahavn­ini: Tíðarin­nar tonn er farin avstað við tí mesta. 
Norðlysið gitar: Tummas Lervig fyri Hendrik Old
Eg gangi út frá, at Poul Michelsen hevur eina góða frágreiðing til vanliga skattgjaldaran
Saudi-Arabiski krúnprinsu­rin kann verða koyrdur frá
Sjálvstýri havt ársfund
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi