Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Kili høgra-forseta og BTÚ í sosialistiska Venezuela tødnaður í helvt

Andøvsløtan | 05/08-2018 23:12

Herfyri vann konservativi milliardingurin Sebastian Pinera forsetavalið í Kili og avloysti sosialistisku Michelle Bachelet. Pinera var forseti 2010-2014 og so væl umtóktur, at kilenar valdu hann aftur við tryggum meiriluta. Sosialistiska mótvalevnið hevði ongan kjans.

Kilenska grundlógin forðar forsetum at sita longur enn 4 ár í senn, men loyvir teimum at stilla uppaftur til val 4 ár seinni. Sama hendi Bachelet 2006-2010.

Í fyrra valskeiði Pineras vaks kilenski búskapurin óført, m.a. tí at prísurin á kopari, ið er høvuðs útflutningsvøran hjá Kili, var høgur. Pinera helt statsins útreiðslur aftur, m.a. til almanna- og útbúgvingarmál, ið fólk vóru misnøgd við.

Men mótstøðan var lítið ímóti tí, Bachelet fekk av av lágum koparprísi, og tí at hennara sosialistiska stjórn hækkaði skattirnar til at fíggja almennar útreiðslur.

Kile hevur havt ein av heimsins mest frælsu búskapum líka síðan Pinochet. Tí hevur Kile uttan sammeting sterkasta og ríkasta búskap í Suðuramerika.

Tað hoyra vit lítið um í vinstravendu miðlunum. Enn minni hoyra vit um, at planbúskapurin í sosialistiska Venezuela tødnar skjótt saman við tí svinnandi demokratinum undir marxistiska einaræðisharranum Nicolas Maduro.

5 mió fólk (20%) eru rýmd til Brazil, Columbia og USA. Øll landsins dýr eru etin (eisini í djóragørðum), inflatiónin er 16.000% p.a., arbeiðsloysið nærkast 40% (smbr IMF). Landið hevur 2 tjóðarting, annað eigur Maduro)

BTÚ minkaði 16% í 2016, 14% í fjør og verður 15% í ár. Av berari sosialismu er venezuelski búskapurin tødnaður 50% farnu 3-4 árini. Bara løgreglu- og hermenn og almenn starvsfólk í tænastu hjá Maduro-stjórnini fáa løn, ið missir helvtarvirði frá morgni til kvøld. Eingin matur, heiluvágur ella vesipappír

Miðal ársinntøkan í oljuríka Venezuela er fallin í $ 5.500 pr íbúgva, í Kili er hon hækkað upp í $ 25.000 (Argentina nú bert $ 15.000 aftur av sosialismu).

Venezuela er við at gerast ein humaniter vanlukka. USA og grannalondini hava fryst allar konti hjá politiskum leiðarum í Venezuela. Ríkasta kvinnan í landinum er Maria Chavez, ið er góð fyri $ 2,5 mia uttan at hava útbúgving og uttan at hava arbeitt vanligt arbeiði í lívinum.

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Eg vil biðja um treytaleysa umbering
Tey lærdu okkum at elska Frelsaran.
Rættvísgjørdur av trúgv 
Hugnaløtan (52) - Gestur: John William Joensen
Húsarannsókn hjá fleiri laksafyritøkum
Prát við Jógvan Poulsen og Tóra Højgaard um politisku støðuna í USA
Er tað ein fyrimunur at kenna tey røttu í Býráðnum?
Páll á Reynatúgvu umhugsar uppskot
R7 Premier League (37) - 18. feb 2019
Svenskt met í stórum afturparti
MYNDARØÐ: Stórur skaði við vøllin við Stórá
Myndarøð: stormur í Vági
At lúgva um sína trúgv eitur Taqiyyah og er loyvt einum muslimi
"Kom á 2069!" (49) - 15. feb 2019
Prát við Hera Mortensen
Prát við Jákup Vestergaard og Bjørt Samuelsen
Jóhann Lützen: Tjóðveldi ger einki við loysingina
Eg veit ikki, um eg fái takkað øllum nóg mikið
Frans pávi játtar, at Pávakirkjan brúkar nonnur sum sex-trælir
Samrøða við Danjal av Rana
Annika Olsen stillar upp
Føroysk genta skal vera maskottur á Anfield týskvøldið
Tíðindi klokkan 12
Lars Løkke Rasmussen sendir heilsan til KOKS og Poul Andrias
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi