Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Heimsins framleiðsluvirði almikið økt, síðan sosialisman fall

Andøvsløtan | 05/08-2018 21:53

Tað er ófatiligt, at fólk (serliga ung) fjeppast uppi í planbúskapi, javna, v.ø.o. uppi í sosialismu, hóast hon miseydnast hvørja ferð, meðan marknaðbúskapur og kapitalisma verða spilt út, hóast hon roynist sum besta mjólkkúgv, ið føðir øll.

Eftir at Kina fyrst í 1980-árunum slepti síni kúgandi maoismu, ið gjørdi øll (uttan partípamparar) líka fátæk, og fór at fevna um marknaðbúskap, fría kapping og kapitalismu, eru framleiddu virðini nógv økt og sosialu korini hjá fjøldini bøtt.

Tað eru ikki útjavnað virði ella almenn stýring av búskapi, men m.a. fríur búskapur, ognarrættur og altjóða handil, ið hava økt vælferð hjá fleiri fólkum nú enn nakrantíð.

Fyri 50 árum síðan livdu 50% av heimsins íbúgvum í djúpasta fátækradømi. Í dag eru bert 10% av mannaættini so fátæk, sum 50% av okkum vóru tá.

Í 1970 livdu heimsins fólk bert 55 ár í miðal, nú liva tey til 70 ára aldur, og vit í heimsins framkomnu londum liva til 80 ár í miðal, skrivaði Edward Hudgins í sambandi við Earth Day, ið umhvørvisutopistar hava hátíðarhildið síðan 1970.

Sjávt í Afrika, heimsins tá og enn fátækasta heimsparti, er miðal livialdurin hækkaður úr 47 árum upp í 60 ár. Fyrr doyðu 15% av børnum undir 5 ár hvørt ár, móti nú bert 5% árliga. Størsti framburður er hendur í fátækum londum.

Í 1970 doyðu yvir 1 mió fólk, flest børn, um árið av sjúkum úr dálkaðum vatni. Tá høvdu bert 50% av heimsins fólki reint vatn, móti nú 90%.

Í 1970-unum vóru 24 størri oljudálkingar á sjónum í miðal hvørt ár. Síðan ár 2000 hava bert verið tríggjar. Oljunøgdin, ið rennur á sjógv er minkað við í miðal 99%.

I 1970-unum ræddust umhvørvistar, at skógarvøkstur heimsins fór at hvørva. Í dag verða nógv fleiri trø plantað enn verða feld í Canada, USA og Evropa enn tá.

Framburðurin í vælferð og livistøði eru størst í londum við persónligum, vinnuligum og politiskum frælsi og minstur í harðræðislondum við planbúskapi, smbr. Heritage Foundation og Fraser Institute, ið geva út Index of Economic Freedom hvørt ár.

Jú ríkari lond eru, jú størri tilfeingi hava tey ráð til at brúka til enn meiri framleiðslu og til reinari umhvørvi. Rík lond hava betri ráð til vælferð serliga til fólk við lágum inntøkum. Einki land ger síni fátæku rík av at gera síni ríku fátæk.

Leingi livi marknað-búskapur, kapitalisma, demokrati, privatur ognarrættur, talu-, vinnu- og persónsfrælsi. Tey eiga tøkk fyri heimsins framburð og fólksins vælferð.

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Lands­stýris­maðu­rin segði ósætt á tíðindafundinum
Hans Joensen: Eg eri ein skuffaður maður
Seldu kvotu og fingu hana aftur
Jóhan Edvard náddi ikki heim til jarðarferð­ina, men sang í kirkjuni í Ikerassak
Eru Menningar­kvotur­nar politiskt útlutaðar?
Vespureiðrið (84) - 13. aug 2018
SU generatiónin í Løgtingi­num skilir ikki, at feløgini hava verið í kreppu
Umboðini hjá Sambands­flokki­num ynsktu ikki menningar­kvotur
NOVA úr Suðuroynni - Sending 16
Polittisk útlutan?
Tað er ikki Tórbjørn Jacobsen, sum er boðin umborð, tað er borgar­stjó­rin í Runavíkar kommunu
Brátíðindi: Politiið í Føroyum hevur tikið málið upp aftur, viðvíkj­andi illgrunasomum deyða
Flótidokkin í Hirtshals er koppa
Tjóðveldiskabalin
Uppsjóvar­kvotur­nar eru nógv størri enn ICES tilmælir
Hjaltur og Aleqa hittust í Uummannaq
Metis - Øll sendingin - 14. august 2018
Nýggjur háskúli á Sandi
Hoyr stjóran á Vestmanna Fiskavirki, hvussu menningarkvotan skal brúkast
Norðoya Fólkafloks­felag : Landið bløðir og kemur at bløða um vend ikki kemur í nú
Eg haldi veruliga ikki, at Høgni hevur blandað seg uppí viðgerð­ina av menningarkvotum, nú skotrøðir­nar duna.
Dronu upptøka av cruise skipinum "Zuiderdam", sum vitjaði í Runavík, leygar­dagin 11. august.
Hilbert Elisson: Fiskivinna og kvotur
Framvegis ongar menningar­kvotur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi