Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Almennu kassarnir fáa meir enn pensionistarnir

Lesarabrøv, Politikkur | 07/08-2018 00:40
Joen Magnus Rasmussen | Mynd: r7.fo

Lønmóttakarin rindar skatt av gjaldinum til Samhaldsfasta, ALS-gjaldinum, gjaldinum til Barsilsgrunnin og Heilsutrygdargjaldinum.

Vit eru helst øll væl nøgd við omanfyri nevndu gjøld, sum øll eru grundsúlur undir vælferðarsamfelag okkara.

Men eiga vit at rinda skatt av hesum gjøldum, sum jú eru ein skattur í sær sjálvum?

Gjaldið til Samhaldsfasta verður hækkað upp í 3% av skattskyldugu inntøkuni frá 1. januar 2019.

Politiski boðskapurin er, at hetta verður gjørt, fyri at pensionistarnir skulu hava kr. 1.000,00 meir um mánaðin at liva fyri.

Hetta halda helst tey flestu vera sera gott, og taka fult undir við tí.

Men lat okkum hyggja eftir einum dømi, sum vísir at pensionistarnir eru ikki teir einastu sum fáa burturúr pensiónsnýskipanini.

Dømi:
Ein sum tjenar kr. 400.000,00 skal gjalda 3% til Samhaldsfasta, hetta er kr. 12.000,00, so nú skuldu vit hildið at 12 pensionistar fáa kr. 1.000,00 meir um mánaðin, í ein mánaða í hvussu er, ella at ein pensionistur fær kr. 1.000,00 um mánaðin í eitt ár.

Men roknistykki sær heilt øðrvísi út.

Fyrst skal hesin sum hevur goldið tær kr. 12.000,00 í Samhaldsfasta, gjalda kr. 6.000,00 í skatt beinleiðis til Landskassan (ca. kr. 3.500,00) og Kommunukassan (ca. kr. 2.500,00)

Síðani, tá pensionistarnir fáa gjald úr Samhaldsfasta, skulu teir aftur gjalda skatt av hesum peningi, sum var skattaður tá hann varð inngoldin.

Fyri at ein pensionistur skal hava kr. 1.000,00 meir at liva fyri, má Samhaldsfasti útgjalda kr. 1.600,00.
Pensionisturin fær kr. 1.000,00, Landskassin kr. 250,00 og Kommunukassin kr. 350,00

Tað vil siga, at ein sum hevur kr. 400.000,00 í inntøku skal gjalda:
Til Samhaldsfasta kr. 12.000,00
Til Landskassan kr. 3.500,00
Kommunukassan kr. 2.500,00
---------------
Tilsamans kr. 18.000,00

Samhaldsfasti, sum einans hevur tær kr.12.000,00, má gjalda soleiðis:
Skattur til Landskassan ca. kr. 2.000,00
Skattur til Kommunukassan ca. kr. 2.500,00
Til pensionistarnar kr. 7.500,00
----------------
Tilsamans kr. 12.000,00

Landskassin fær kr. 3.500,00+kr. 2.000,00= kr. 5.500,00
Kommunukassin kr. 2.500,00+kr. 2.500,00= kr. 5.000,00
----------------
Almennir kassar tilsamans kr. 10.500,00
Pensionistarnir tilsamans kr. 7.500,00
----------------
Tilsamans kr. 18.000,00

Er tað rætt at ein sum tjenar kr. 400.000,00 skal gjalda kr. 18.000,00 fyri at Samhaldsfasti skal kunna gjalda pensionistunum kr. 7.500,00?

Restina, næstan 60% deila Landskassin og Kommunukassin ímillum sín.

Er tað ikki meiri rímuligt, at pensionistarnir fáa meir?

Ella at lønmóttakarin rindar minni?

Ella møguliga at partarnir deildu, soleiðis at pensionistarnir fingu meir, og lønmóttakarin rindaði minni?

Hetta er jú at rinda skatt av skatti.

Dømi omanfyri er bert um Samhaldsfasta.
Støðan er tann sama fyri ALS, Barsilsgrunnin og Heilsutrygd.

Eftir míni meining, er hetta ein feilur, sum eigur at verða rættaður sum skjótast.

Joen Magnus Rasmussen
Løgtingsmaður fyri Fólkaflokkin

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen

Líknandi tíðindi
Lýsing
Mest lisið í farnu viku
Lands­stýris­maðu­rin segði ósætt á tíðindafundinum
Hans Joensen: Eg eri ein skuffaður maður
Seldu kvotu og fingu hana aftur
Jóhan Edvard náddi ikki heim til jarðarferð­ina, men sang í kirkjuni í Ikerassak
Eru Menningar­kvotur­nar politiskt útlutaðar?
Vespureiðrið (84) - 13. aug 2018
SU generatiónin í Løgtingi­num skilir ikki, at feløgini hava verið í kreppu
Umboðini hjá Sambands­flokki­num ynsktu ikki menningar­kvotur
NOVA úr Suðuroynni - Sending 16
Polittisk útlutan?
Tað er ikki Tórbjørn Jacobsen, sum er boðin umborð, tað er borgar­stjó­rin í Runavíkar kommunu
Brátíðindi: Politiið í Føroyum hevur tikið málið upp aftur, viðvíkj­andi illgrunasomum deyða
Flótidokkin í Hirtshals er koppa
Tjóðveldiskabalin
Uppsjóvar­kvotur­nar eru nógv størri enn ICES tilmælir
Hjaltur og Aleqa hittust í Uummannaq
Metis - Øll sendingin - 14. august 2018
Nýggjur háskúli á Sandi
Hoyr stjóran á Vestmanna Fiskavirki, hvussu menningarkvotan skal brúkast
Norðoya Fólkafloks­felag : Landið bløðir og kemur at bløða um vend ikki kemur í nú
Eg haldi veruliga ikki, at Høgni hevur blandað seg uppí viðgerð­ina av menningarkvotum, nú skotrøðir­nar duna.
Dronu upptøka av cruise skipinum "Zuiderdam", sum vitjaði í Runavík, leygar­dagin 11. august.
Hilbert Elisson: Fiskivinna og kvotur
Framvegis ongar menningar­kvotur
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi