Lívið undir kommunismu stytti livialdurin og heilsuna hjá fólki
Ein skal vera nokkso bannsettur til ikki at síggja, at kommunistiska skipanin drap 100 mió fólk og oyðilegði lívið hjá øðrum ótaldum 100-tals milliónum.
Men kortini tøla alskyns sløg av marxisma enn í dag 100-tals mió ungdómar, eisini í Vesturheimi, og mest tey væl lisnu, uttan mun til hvat marxisman eitur.
Eg minnist heilt upp í 1980-ini, at 2. Heimskríggj altíð fekk skyldina fyri, at russar livdu í miðal 10-15 ár stytri enn vesturlendingar. Øll vinstrahall noktaði treiskt, at vána livistøði undir sosialismuni í Sovjet var orsøk til lágan livialdur.
Ung vinstrahall, og tey eru genetiskt “forritað”, nokta við sama lag, at øll sosi-alisma í søguni, líkamikið slagið, er miseydnað og hevur ført til búskaparliga vanlukku og menniskjaliga armóð, hungur og deyða allastaðni, hon er roynd.
Andøvsløtan hevur eisini júkað, at í londum, har kommunisma hevur valdað (alt annað líka) eru stígur og mutur, og samfelagsmoralin er á botni.
Nú vísir ein læknafrøðilig kanning, at tilveran í fyrr kommunistiskum londum oyðilegði heilsuna og stytti lívið hjá øllum fólkum, ið livdu og liðu undir henni. Tað sveiða at øllum uttan partípamparum, “nomenklatura”, ið floreraðu.
Granskarar í Bretlandi, Nýsælandi og Týsklandi hava samstarvað til at finna fram til, hvørjir tættir avgera, um einum fólki ella landi gongst væl ella illa.
Tey brúktu vísitøl hjá ST (UN Devlmt Index scores) at máta miðal inntøku per íbúgva, livialdur og ár í útbúgving hjá fólki í 44 londum í Evropa og Asia.
Síðan sammettu tey hesi tøl við aðrar variablar, eitt nú átrúnað, landafrøði, stjórnarskipanir, kríggj/frið, søgulig árin og tungumál.
Vissasti og mest støðugi felagsnevnari fyri heilsustøðuna hjá fólki er, um landið hevur verið kommunistiskt. Harumframt var kommunisma mest avgerandi fyri, hvussu inntøkan hjá fólki hevur verið og er.
Í tíðarritinum Royal Society Open Science hava granskararnir skrivað, at enn eru “avleiðingarnar av kommunismu høvuðsatvold til lágan livialdur, verri føðslu, sálarstøðu og størri alkoholnýtslu í eitt nú eysturevropeiskum londum.”
Mest lisið í farnu viku
Samband
Heygsvegur 8
490 Strendur