Trump táttar skrúvurnar um tumlarnar á prestastýrinum í Iran
Trump hevur givið boð um at leggja Iran í fjøtur aftur. Fyrsti partur av boykott-inum snýr seg um akfør, gull o.o. metallsløg, ið er lívsneyðugt hjá Iran.
Alt byrjaði í 2015, tá Hussein Obama gjørdi avtalu við ayatollarnar í Tehran og hjálpti teimum at tiðna $150 mia (= 1.000 mia kr) av iranskum peningi í vesturlendskum bankum og at sleppa úr boykotti av m.a. iranskari olju.
Málið hjá Obama við avtaluni var sum vant at gera Iran sterkari og USA veikari. ES-lond vóru fús til at fylgja islam-vinaliga amerikanska forsetanum. Afturfyri at skriva undir USA-Iran avtaluna slapp Iran at halda fram at ríka uran, at menna raketttøkni og at fíggja islamskan yvirgang kring heimin.
Treytin hjá aaobama fyri iransku atommenningini var, at hon helt fram í loynd.
Kvøldið fyri, at avtalan hjá Obama fekk gildi, flugu amerikansk farmaflogfør úr Zurich til Tehran við $ 1,2 mia (= 9 mia kr) í sveisfrankum og evrum á plattum sum loysigjald fyri 4 amerikanskar gíslar, ið prestastýrið hevði tikið. Tá iranar høvdu talt peningin, sluppu gíslarnir avstað við somu flogførum. Skammiligt.
Amerikanski og vesturlendski vinstravongurin var ovurfegin, at Obama eins og Chamberlain í Munchen í 1938 gjørdi virðisleysu avtaluna við Hitler. Tey hildu seg hava keypt sær nøkur ár av friði við Iran, ið bert ynskti A-vápn.
Men nógvir vesturlendingar vóru forsyndaðir inn á Obama fyri avtaluna, til Netanyahu á tíðindafundi avdúkaði, at Iran helt fram at gera kjarnorkuvápn undir jørð, at fíggja borgarakríggini í Sýria og Yemen og altjóða yvirgang.
Tolið hjá Trump var uppi herfyri, tá ið hann segði avtaluna við Iran upp, tí at prestastýrið ikki helt sín part á nakran hátt. Ayatollarnir í øðini og hóttu at teppa Hormutz-sundið, sum 20% av heimsins olju (mest til Kina) verður flutt ígjøgnum, men sum USA rindar 70% av prísinum av at halda opið og at verja.
Tump læt seg ikki stanga og hótti islamarnar í Tehran við at knúsa Iran, um teir nurtu Hormutz. Ayatollarnir vita, at Trump er eitt mannfólk og ikki ein bløka sum Obama. Trump stuðlar iranska fólkinum móti islamskari kúging.
Sum sagt er fyrsti partur av stongslinum komin í gildi. 5/11 steingir USA allan iranskan handil við olju, orku og altjóða valuta. Iranski búskapurin er veikur av áralongum boykotti og kollapsar, um ayatollarnir ikki krúpa til Trumpsa kross.
Mest lisið í farnu viku
Samband
Heygsvegur 8
490 Strendur