“Mánadagin fáa tey, sum hava søkt um menningarkvotur, svar.” Tað skrivaði Kringvarpið leygardagin. Men enn hevur einki verið at frætt frá Fiskimálaráðnum um menningarkvotur. Vit hava roynt at fingið fatur á Rógva Reinert, aðalstjóra, men hann var ikki at hitta fyrrapartin.

VP skrivar í dag, at Høgni Hoydal, landsstýrismaður fór til Bulgaria leygardagin at halda frí, men at hann nú á veg aftur til Føroya. VP skrivar, at orsøkin til hetta eru helst menningarkvoturnar.

Nú er næstan ein mánaður síðani metingarnevndin var liðug við sítt arbeiði at finna fram til, hvør skuldi hava menningarkvotur, men framvegis hevur Fiskimálaráðið ikki býtt kvoturnar.