Umboðini hjá Sambandsflokkinum ynsktu ikki menningarkvotur
Fiskiráðharrin, Høgni Hoydal hevur sagt, at menningarkvoturnar skuldu vera útlutaðar í gjár, men fyri Portalinum sigur hann í dag, at tær verða útlutaðara í dag.
27 dagar eru síðani Høgni fekk tilmælið frá tilráðingarbólkinum.
Rumbul hevur verið um menningarkvoturnar. Sjálvt í samgonguni varð rumbul.
Anstøðan vildi slettis ikki hoyra um menningarkvotur. Tann 12. desember 2017 fóru umboðini hjá Sambandsflokkinum so langt, sum at leggja eitt boytingaruppskot fram til 3. viðgerð av løgtingsmáli nr. 18/2017: Uppskot til løgtingslóg um fyrisiting av sjófeingi.
Uppskotið hevði til endamáls at strikað orðingina í lógini, so ongin menningarkvota kundi útlutast.
Uppskotið var soljóðandi:
b r o y t i n g a r u p p s k o t
1. Kapittul 11 verður strikaður.
Viðmerkingar Til nr. 1: Kapittul 11, ið snýr seg um menningarkvotur, verður strikaður.
Til nr. 2 -19: Tekniskar broytingar sum avleiðing av broyting nr. 1.
Sambandsflokkurin á Løgtingi, 12. desember 2017
Eitt annað uppskot var eisini lagt fram, um so var at fyrra uppskotið ikki vann frama. Tað uppskotið var at seta prosentini niður frá 8,5 til 5%, sum fiskimálaráharrin kundi útlutað. Bæði uppskotini fullu.
Í dag er so dagurin har teir 38 umsøkjarnir fáa svar, hvørt teir eru við í tí partinum sum fáa kvotur.
Spenningurin er stórur, um Sandoyggin, Vestmanna, Suðuroyggin fáa kvotur, ella um okkurt spennandi projekt er við, sum ongin veit um.
Nú klokkan 16.30 varð tíðindafundur, um hvør fek menningarkvotur. Vit hoyra meir um tað seinni.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur