Tá uppskotið til lógina um Sjófeingi varð viðgjørt í løgtinginum, vóru nógv hoyringsskriv løgd við, og fleiri komu eisini til vinnunevndina. Næstan øll hoyringsskrivini mæltu løgtinginum frá at samtykkja uppskotið. Tó var eitt undantak, og tað var hoyringsskrivið frá Havnar Arbeiðarafelag og Havnar Arbeiðskvinnufelag. Tey mæltu løgtinginum til at taka undir við uppskotinum, tí tey sóu fyri sær, at lógin fór at tryggja, at fiskatilfeingið fór at verða til gagn fyri allar føroyingar.

“Fyri at skapa trivna og best møguligar liviumstøður, so er tað umráðandi, at okkara politikarar skapa karmar sum kunnu tryggja, at arbeiðið eisini er til vanliga arbeiðsfólkið, har lítið og einki fiskaarbeiði er í dag. Tað hevur m.a. rakt nógv arbeiðsfólk í Havn, at hetta økið í dag einki virksemi hevur tá talan er um tilvirking av fiski,” søgdu Havnar Arbeiðarafelag og Havnar Arbeiðskvinnufelag í teirra hoyringsskrivi.

Vit hava tosað við Hans Joensen, formann í Havnar Arbeiðarafelag, nú eingin menningarkvota endaði í Havn.

(Trýst á pílin yvir greinini, fyri at hoyra samrøðuna)