Uppsjóvarkvoturnar eru nógv størri enn ICES tilmælir
Føroyar og hini Strandalondini fiska nógv meira av uppsjóvarfiski enn ICES tilmælir. Tað kann verða ein vandi fyri stovnarnar eins og tað gevur minni í longdini, tó at tað gevur væl meira í dag
Tað verður nógv tosað um uppsjóvarvinnu og kvotur. Kvoturnar hava seinastu árini verið sera høgar. Ein orsøk til tað er, at vit áseta okkum tað kvotu, vit halda verða okkara part og samstundis fiska strandalondini nógv meira enn ICES tilmælir.
Um hugt verður eftir ICES tilmælinum og kvotum sum Strandalondini hava ásett sær sjálvum í 2018, so sæst at Strandalondini fiska nógv meira enn ICES tilmælið er.
ICES Ásett Ovurfiska
tilmæli kvota prosent
Makrelur 550,948 816,797 48.25%
Sild 384,197 800,000 108.23%
Svartkjaft 1,387,872 1,732,242 24.81%
Um øll londini fiska eins nógv meira enn ICES tilmælir, so er føroyski parturin av ovurfiskingini í 2019 hesin:
Sjálv ásett Kvota Yvirfisking
kvota eftir sambært
ICES ICES
Makrelur 102,924 69,426 33,498
Sild 88,350 42,429 45,921
Svartkjaft 493,081 395,065 98,016
Sum vit síggja, so høvdu kvoturnar verðið munandi lægri, um vit lurtaðu eftir fiskifrøðini. Men tað hava Strandalondini og Føroyar valt ikki at gera. Tað sum gjørt verður er, at londini semjast um at TAC skal verða tað sum ICES tilráðingin er. Síðan áseta londini egnar kvotur í prosentum og tá verður samlaða nøgdin nógv meira enn 100%.
Um vit lurtaðu eftir ICES lækkaði avreiðingarvirðið í Føroyum umleið 600 milliónir.
Havandi í huga, at fiskastovnar vaksa og minka og at vit í løtuni eru nær toppinum, er ikki óhugsandi, at kvoturnar minka nógv komandi árini.
Eitt annað dømi sum nevnast kann er viðvíkjandi Svartkjaftakvotuni. Vit áttu 25% av Svartkjaftakvotuni, men valdu so at áseta okkum 35,55% av TAC. Um vit lurtaðu eftir ICES og ásettu okkum 25% av tí ICES tilmælir, hevði kvotan í ár verið 360.000 tons. Vit hava ásett okkum kvotu á 493.000 tons. T.v.s. at vit hava ásett okkum 133.000 tons hægri kvotu enn vit fyrr høvdu.
ICES kemur við tilmæli um TAC fyri 2019 seinast í september. Síðan er mannagongdin at Strandalondini hava fund fyri at áseta kvotur fyri hesi nevndu fiskasløg. Semjan, sum Norra, ES og Føroyar gjørdu um Makrel fyri nøkrum árum síðan gongur út í ár. Tí skal eisini semja fáast um býti av makreli.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur