Samherji víðkar virksemi
Samherji hevur keypt 25% av Eimskip og teir hava eisini keypt Collins Seafood. Stjórin sigur, at teir ætla at koma nærri endabrúkaranum.
Samherji hevur keypt 25% av Eimskip fyri umleið 700 milliónir. Stjórin Thorsteinn Mar Baldvinsson upplýsir, at Eimskip rekur farmaflutning á somu leiðum sum Samskip rekur fiskivinnu. Tí gevur hendan íløgan meining. Eimskip eigur 22 farmaskip og hevur 1.850 starvsfólk.
Samherji eru eisini sera aktivir í fiskivinnuni í Bretlandi. Teir víðka javnan virksemi við at keypa fyritøkur. Thorsteinn Mar Baldvinsson upplýsir at orsøkin til at teir keyptu Collins Seafood fyrr í mánanum er, at teir ynskja at verða nærri kundanum. Collins Seafood selir fyri góðar 500 milliónir árliga. Stórsti parturin er beinleiðis til Fish and Chips handlar.
Stjórin í Samherja upplýsir at samlaði umsetningurin hjá dóttirfeløgunum í Bretlandi er 1,4 milliardir.
Mest lisið í farnu viku
Samband
Heygsvegur 8
490 Strendur