Heilaskjálvti og barndømi
Herfyri bar Andøvsløtan eina lækna- og vísindaliga staðfesting, at fótbólts-leikarar komu oftari í barndømi sum eldri enn fólk flest. Jú meiri teir høvdu spælt fótbólt, jú verri og jú fyrr rakti minnisvíkurin, serliga hjá yrkisleikarum.
Nevaleikarar verða enn meiri plágaðir av óminni enn fótbóltsleikarar.
Fleiri tíðindi um tað sama kunnu vit bera í dag:
Ein hin størsta heilsukanning nakrantíð er júst endað: Amerikanskir og danskir læknar og vísindafólk hava við 2,6 mió royndarfólkum mált samband millum heilaskjálvta hjá ungum og barndømi hjá somu gomlum dønum.
Úrslitini vísa, at fólk, sum hava fingið heilaskjálvta, verða oftari og fyrri rakt av minnisvíki enn hini. Jú fyrr í lívinum, heilaskjálvtin hendi, og jú harðari hann varð, jú fyrr og jú álvarsligari gjørdist dementiin hjá teimum raktu.
Samanlagt høvdu øll fólk, ið vórðu rakt av heilaskjálvta, 24% størri sannlíki fyri at líða av barndømi sum eldri.
Fyri fólk, ið fingu heilaskjálvta í 20-unum, var váðin fyri barndømi 63% hægri.
Fyri tey, ið høvdu heilaskjálvta í 30-unum, var sannlíkið 37% hægri.
Ein lættari heilaskjálvti økti møguleikan fyri óminni bert 17% í miðal.
Henda vísindaliga kanning varð kunngjørd í The Lancet, bretska læknavísind-aliga tíðarritinum. Læknarnir løgdu – fyri at kyrra fólk - aftrat, at luftalsliga sannlíkið fyri at koma í barndømi yngri enn á gamals, er sum kunugt lítil.
Alt skal altso síggjast í mun til tað lága talið á gomlum fólki, ið fáa minnisvík.
Men kanningin hevur tó havt við sær, at heilsumyndugleikar hava økt virksemi við at mæla til lógir og reglur fyri, hvussu váðin fyri høvuðskaða av hørðum kontaktítrótti, serliga nevaleiki, rugby og amerikanskum fótbólti kann verða avmarkaður.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur