Ruth Davidson er við barn og skal eiga í oktober
Forkvinnan í skotska konservativa flokkinum skal eiga barn í oktober.
Tað var henda Ruth Davidson, ið bjargaði bretska Tory-flokkinum 13 skotskar sessir seinasta val og tryggjaði Theresu May meirilutastjórn í Westminster.
Fyrra valskeið høvdu Tories bert ein sess av íalt 60 skotskum sessum. Men seinasta val kanibaliseraðu teir báðir vinstraflokkarnir, bretskt Labour og NSP, hvønn annan og duttu ímillum stólarnar, so May aftur bleiv forsætisráðharri.
Ruth Davidson er 39 ára gomul, so tað var í tøkum tíma, hon bleiv við barn eftir ísáðing. Tað var vist neyðugt, av tí at Ruth Davidson er samkynd.
Tær báðar, Ruth og Jen Wilson, gleða seg eyðvitað til oktober saman við skotskum og bretskum konservativum veljarum og ynskja, at skotski politiski leiðarin varðveitir og helst styrkir støðuna hjá skotska Tory-flokkinum.
Theresa May skinklar aftur og fram millum Brussels og London í samráðing um Brexit. Eingin er nøgdur, tí úrslitið tykist verða hálvt innan og hálvt uttan fyri ES. Um ES-lógir skulu trumfa bretskar lógir, er lítið vunnið.
Um skotska konservativa oddakvinnan roynist meiri mensk enn May sum ein nýggj Thatcher, hongur í tí dulda. Men nú verður Ruth barnbundin eina tíð.
Mest lisið í farnu viku
Samband
Heygsvegur 8
490 Strendur